កន្លងមកឃើញស្និតស្នាលគ្នាខ្លាំង និងរួមការងារជាមួយគ្នាយ៉ាងច្រើន ពេលនេះស្រាប់តែលោក រិទ្ធ អូមេហ្គា ប្រកាសថា ប៊ុត សីហា លែងជាបុគ្គលិករបស់លោកទៀតហើយ។ លោកបញ្ជាក់ថា ប៊ុត សីហា មិនបានទៅសេពគ្រឿងញៀនទៀតទេ គឺព្រោះតែពិបាករងសំពាធនឹងពាក្យគេមើលងាយ រើសអើង។ ដូច្នេះ ប៊ុត សីហា បានសុំលោកឈប់ច្រៀង ហើយសុំរស់នៅតាមធម្មតាវិញ ។
យ៉ាងណាមិញនេះបើយោងតាមការបង្ហោះទាំងស្រុងរបស់លោក រិទ្ធ អូមេហ្គា បានរៀបរាប់ដូច្នេះថា ៖« ខ្ញុំសូមមិននិយាយអ្វីទាំងអស់ បញ្ជាក់សីហា មិនបានទៅជក់ថ្នាំទៀតទេ តែគាត់ប្រាប់ខ្ញុំថា គាត់ពិបាករងសំពាធ នឹងពាក្យគេមេីលងាយ រេីសអេីងគាត់ ពេលគាត់អានcomment មានអ្នករិះគុណគាត់ ជេគាត់ ហេីយពេលនៅហាង មានគេហៅគាត់ អាតារាបែកថ្នាំ អាជាប់គុក គាត់ខ្មាស់គេ សីហាសុំខ្ញុំឈប់ច្រៀង ហេីយសុំរស់នៅតាមសមាជីវ ធម្មតាវិញ…..ខ្ញុំសុខចិត្តខ្មាស់គេមួយប្រទេស ខ្ញុំសុំទោសផងដែលបានអះអាងជួយសីហាបាន តែចុងក្រោយនៅតែមិនអាចអោយសីហា មានទីផ្សារ ចូលសិល្បៈវិញបានតែខ្ញុំពិតជាបានខំអស់ហេីយ ខ្ញុំជួយគេ តែផលដែលបានមកវិញ មានតែការខកចិត្ត….Album សីហា 6បទ ខ្ញុំនឹងទុកផ្តល់ឱកាស ជួយអ្នកផ្សេងដែលគេចង់ច្រៀង ចង់ល្បី ពិតប្រាកដ… » ៕
