ក្រោយបញ្ចប់ការប្រគុំតន្រ្តី ត្រីវិស័យមាស របស់ខ្លួនរួចបានមួយយប់ឃើញថាតារាចម្រៀងរ៉េបលោក វណ្ណដា បាន ស៊ែរផុសៗ ជាច្រើនដងនៅលើគណនីហ្វេសប៊ុកផ្លូវការរបស់លោក ហើយអ្វីដែលគួរអោយចាប់អារម្មណ៍នោះគឺ វណ្ណដា បានសរសេរឡាតាំងសំនៀងខ្មែរដូច្នេះថា ៖ «Soul boul tic mer!» ដោយសំនៀងខ្មែរមានន័យថា « ស្រួលបួលបន្តិចមេីល » ។
យ៉ាងណាមិញអ្វីដែលគួរឲ្យចាប់អារម្មណ៍នោះគឺបន្ទាប់ពីឃើញតារាចម្រៀងរ៉េបជួរមុខកម្ពុជារូបនេះបានប្រើប្រាស់អក្សរឡាតាំងជាសំនៀងខ្មែរដូច្នេះស្រាប់តែលោក អាចារ្យធំ ដែលគេស្គាល់ថាជាអ្នកអភិរក្សវប្បធម៍នោះ បានចេញមកធ្វើឲ្យរិះគន់លោក វណ្ណដា ដូច្នេះថា ៖«ស្រួលបួលបន្តិចមេីល៍! (អក្សរដែលដូនតា ពលីជីវិតការពារ) Soul boul tic mer (អក្សរខ្មាំងប្រឆាំងដូនតា) » លោកបានបង្ហោះសារបន្ថែមទៀតថា៖ «ធនធានសម្អុយដែលអាចនាំគ្រោះសម្រាប់សង្គមជាតិមួយបានគឺ ហ្វូងហ្វេនពួកអាចេះតែហៃអេី! មិនចេះជួយកែ! ជួយប្រាប់! ជួយដាស់! បានតែខាងផ្កាប់មុខ ស៊ីអាចម៍Idol បណ្ដោយឲ្យទំនោរនៃការគាំទ្រមិនបានឆ្លងកាត់ខួរ ឬក៏ឆ្លងហេីយ តែខួរខ្វាក់ជំពាក់ដោយអស្មិមានះ។ ខ្ញុំជាបគ្គលម្នាក់ដែលនិយមអព្យាក្រឹត ៖
ឃេីញត្រូវសាទរ
ឃេីញខុសរិះគន់!
សង្ឃឹមថា ហ្វូងហ្វេនៗផ្កាប់មុខទាំងឡាយបន្ថយការងប់នឹង ស៊ីអាចម៍Idol ខ្លះទៅ! ៕
