សាហាវណាស់!! រថយន្តផ្ទុកកុងទីន័រ របស់ក្រុមហ៊ុន ហុងលីហួរ ប្រលះជាមួយ រថយន្តបែនដឹកដី បណ្ដាលអោយមនុស្ស២នាក់ រងរបួសធ្ងន់ស្រាល

ស្រុកស្រែអំបិលៈ ថ្ងៃទី១៥ ខែមិថុនា ឆ្នាំ២០១៨ ម៉ោងជិត២រសៀលនៅលើផ្លូវជាតិលេខ៤ ចំណុចចន្លោះKM លេខ ១៤៧-១៤៨ ស្ថិតនៅភូមិបឹងព្រាវ ឃុំបឹងព្រាវ ស្រុកស្រែអំបិល ខេត្តកោះកុង មានគ្រោះថ្នាក់ចរាចរណ៍មួយកើតឡើងរវាង រថយន្តផ្ទុកកុងទីន័រ របស់ក្រុមហ៊ុន ហុងលីហួរ មានទិសដៅពីភ្នំពេញទៅខេត្តព្រះសីហនុពាក់ស្លាកលេខក្បាលរថយន្ដ ព្រះសីហនុ 3A-1367 សណ្តោងរុឺម៉កស្លាកលេខ ព្រះសីហនុ 4A-0953 បើកបរដោយឈ្មោះ តុប សុជាតិ ភេទប្រុស អាយុ២៣ឆ្នាំ រស់នៅក្រុមហ៊ុនខាងលើ និង រថយន្តបែនដឹកដីទម្ងន់៨គូបមានទិសដៅផ្ទុយគ្នាស្លាកលេខ ចង្កូតស្តាំKPS 0427 ។

ក្នុងហេតុការណ៍នេះបណ្តាលអោយអ្នកបើកបរ រថយន្តបែនរួមនិងអ្នករួមដំណើរ រងរបួសធ្ងន់ស្រាលចំនួន០២នាក់ មានឈ្មោះ វែន គង្គារ ភេទប្រុស អាយុ២៨ឆ្នាំ រស់នៅស្រុកសំរោងទង ខេត្តកំពង់ស្ពឺ ជាអ្នកបើកបរ រងរបួសស្រាល។ ២.ឈ្មោះ ផាន់ កុសល ភេទប្រុស អាយុ៥៦ឆ្នាំ រស់នៅសង្កាត់ទឹកល្អក់៣ ខ័ណ្ឌទួលគោក រាជធានីភ្នំពេញ អ្នករួមដំណើរ រងរបួសធ្ងន់ បាក់ជើងខាងឆ្វេង ហើយត្រូវបានបញ្ចូនទៅមន្ទីរពេទ្យបង្អែកស្រុកស្រែអំបិល ។

រីឯរថយន្តទាំងពីរគ្រឿងខូចខាតកំរិតធ្ងន់ ហើយក្រោយកើតហេតុកម្លាំងអាវុធហត្ថ ស្នាក់ការសន្តិសុខ ៤០២សហការជាមួយសមត្ថកិច្ចពាក់ពន្ធ័នៅការពារកនែ្លងកើតហេតុជួយសំរួលសណ្តាប់ធ្នាប់ចរាចរណ៍បង្ការកុំអោយមានការកកស្ទះនិងរៀបចំស្ទូចយកចេញពីកន្លែងកើតហេតុ៕