ស្រីស្អាតលក់ផលិតផលគ្រឿងសម្អាងតាមអនឡាញម្នាក់ ត្រូវក្រុមពួកអន្ធពាលរំលោភបូក ហើយសម្លាប់ចោលយ៉ាងព្រៃផ្សៃ ខណៈដែលចេញពីបារមួយកន្លែង...(មានវីដេអូ)

វាគឺជារឿងដ៏គួរឲ្យភ្ញាក់ផ្អើលមួយដែលបុរស៤នាក់ បានបីនារីដ៏ស្រស់ស្អាតម្នាក់ដែលស្រវឹងជោគជាំ ចេញពីក្នុងបារមួយក្នុងអំឡុងពេលផ្សាយបន្តផ្ទាល់ការប្រកួតបាល់ទាត់វគ្គផ្តាច់ព្រ័តពានរង្វាន់ UEFA Champion League រវាងក្រុមអធិរាជស Real Madrid និង ក្រុមហង្សក្រហម Liveerpool មុនពេលនាងត្រូវបានរំលោភនិងសម្លាប់ចោល ។

តាមរយៈវីដេអូកាមេរ៉ាក្នុងបារបានបង្ហាញឲ្យឃើញក្រុមបុរសទាំងនោះ បានបីនារីរងគ្រោះឈ្មោះ Nong Gift អាយុ ២១ ឆ្នាំ ចេញពីក្នុងបារ ទីកន្លែងដែលនាងបានកំពុងទស្សនាវគ្គផ្តាច់ព្រ័តជាមួយមិត្តភក្តិកាលពីថ្ងៃសៅរ៍ នៅក្នុងខេត្ត Chanthaburi ប្រទេសថៃ។

នារីដែលជាអ្នកលក់គ្រឿងសម្អាងខាងលើ បានស្លាប់នៅក្នុងហាងមួយ ដែលសាច់ញាតិបានអះអាងថា នាងត្រូវបានគេបញ្ច្រកស្រាឲ្យស្រវឹងជោគជាំ ហើយនាំយកចេញពីក្នុងបារនៅវេលាម៉ោង ២ យប់ និងបន្ទាប់មក ដាក់នាងនៅផ្នែកខាងក្រោយរថយន្តដឹកទំនិញមួយ ដោយបុរស៤នាក់ ដែលត្រូវបានគេនឹកស្មានថាពួកគេនឹងយកនាងទៅកាន់ផ្ទះរបស់នាង ។

បុរសទាំង៤ ដែលក្នុងនោះ ម្នាក់ត្រូវបានគេនិយាយថាបានស្គាល់នារីរងគ្រោះ បានដឹកនាងទៅកាន់ដីចម្ការ -ទីកន្លែងដែលនាងត្រូវបានគេរំលោភរួចហើយ មុនពេលវាយសម្លាប់ ។ ហើយសាកសពរបស់នាងត្រូវបានគេរកឃើញនៅយប់ថ្ងៃបន្ទាប់។

ជនសង្ស័យទាំង៤ ដែលត្រូវបានកាមេរ៉ាចាប់បានចាកចេញពីក្នុងបារ ត្រូវបានកំណត់អត្តសញ្ញាណមានឈ្មោះ Nattaphong Saenkraud, Patti Boonthal, Panya Chan Somdee និង Suitsit Jaechim ។ នៅថ្ងៃពុធ ក្រុមអន្ធពាលទាំងនោះបានសារភាពពីអំពើឃាតកម្មរបស់ពួកគេ នៅចំពោះមុខសមត្ថកិច្ច ។ ប៉ូលីសនិយាយថា សាកសពរបស់នាងត្រូវបានរកឃើញបែកពពុះមាត់, ច្រមុះឈាម និងសម្លៀកបំពាក់របស់នាងខ្លះនៅលើកម្រាល ។

Nong Gift ដែលជាអាជីវករលក់គ្រឿងសម្អាង បានចូលទៅក្នុងបារមួយ ជាមួយស្ត្រី៣នាក់នៅយប់មួយ ដែលពួកគេបានចាកចេញមុន ដោយកត់សម្គាល់ឃើញថា នាងពុំបង្ហាញអាកប្បករិយាស្រវឹងទេ ។ ម្នាក់ក្នុងចំណោមមិត្តភក្តិរបស់នាងឈ្មោះ Airziz Opachat បានប្រាប់អ្នកសារព័ត៌មានថា៖ ”ខ្ញុំពិតជាមានការសោកស្តាយណាស់! ប្រសិនពួកយើងដឹងថា យប់នោះជាវេលាដែលពួកយើងជួបជុំគ្នាលើកចុងក្រោយ នោះខ្ញុំនឹងមានថែអ្នកឲ្យបានល្អបំផុត។ ខ្ញុំសូមទោសផង ដែលខ្ញុំមិនបានមើលថែអ្នកឲ្យបានល្អ៕” មានវីដេអូខាងក្រោម៖