ស្អីទៀតហើយ!! គណៈកម្មការប្រយុទ្ធប្រឆាំងផលិតផលក្លែងក្លាយ ចុះត្រួតពិនិត្យសិប្បកម្មតៅហ៊ូ ពពុះសណ្តែក និងទឹកសណ្តែកមួយកន្លែង រកឃើញមានសារធាតុគីមី

ភ្នំពេញ៖ នៅរសៀលថ្ងៃព្រហស្បតិ៍ថ្ងៃ៧ ខែមិថុនា ឆ្នាំ២០១៨នេះ មន្ត្រីកាំកុងត្រូលផែស្ងួតចុងទីភ្នំពេញ នឹងគណៈកម្មការប្រយុទ្ធប្រឆាំងផលិតផលក្លែងក្លាយ ចុះត្រួតពិនិត្យសិប្បកម្មតៅហ៊ូ ពពុះសណ្តែក និងទឹកសណ្តែកមួយកន្លែង ដែលមានទីតាំងស្ថិតនៅផ្ទះលេខ ៣២ ផ្លូវលេខ៥២៨ សង្កាត់បឹងកក់១ ខណ្ឌទួលគោក រាធានីភ្នំពេញ។ ក្នុងនោះសមត្ថកិច្ចបានធ្វើតេស្តបឋមលើ តៅហ៊ូ ពពុះសណ្តែក ទឹកសណ្តែក រកឃើញមានសារធាតុគីមីហាមឃាត់ផងដែរ ។

បើតាមសម្ដីរបស់លោកឧត្តមសេនីយ៍ត្រី ទូច យុទ្ធា អនុប្រធានលេខាធិការដ្ឋានប្រយុទ្ធប្រឆាំងផលិតផលក្លែងក្លាយ បានឲ្យដឹងថា សមត្ថកិច្ចនឹងប្រមូលតៅហ៊ូ ពពុះសណ្ដែក ទឹកសណ្ដែក ទាំងអស់នោះ ដើម្បីមើលគុណភាព និងពិនិត្យវត្ថុធាតុដើមផលិតត្រូវតាមស្តង់ដារដែរឬទេ ប្រសិនបើពិនិត្យទៅឃើញថា គ្មានគុណភាព ផលិតឡើងដោយជាតិគីមី ម្ចាស់សិប្បកម្មមួយកន្លែងនេះ នឹងត្រូវឃាត់ខ្លួនដើម្បីយកទៅសាកសួរ និងអនុវត្តតាមច្បាប់ ។