រាជធានីភ្នំពេញ ៖ កម្លាំងអធិការដ្ឋាននគរបាលខណ្ឌច្បារអំពៅ ត្រឹមតែរយះពេល២ថ្ងៃ ស្រាវជ្រាវឃាត់ខ្លួនជនសង្ស័យចំនួន០២នាក់ ជាបន្តបន្ទាប់ពាក់ព័ន្ធករណីគាស់ទូមាសលួចទ្រព្យសម្បត្តិយកទៅលក់ និងអ្នកទទួលផលចោរកម្ម ។
![](/wp-content/uploads/2024/1/17/media/large/277592/e8a163e23b2177d0da64cdad5233958e.jpg?1705475941)
![](/wp-content/uploads/2024/1/17/media/large/277593/849642e06dc3bfcd76eb3bac0b13bcc1.jpg?1705475955)
យោងតាមប្រភពពី មន្ត្រីនគរបាលខណ្ឌច្បារអំពៅ បានអោយដឹងថា កាលពីថ្ងៃទី១៥ ខែមករា ឆ្នាំ២០២៤ សមត្ថកិច្ចជំនាញបានឃាត់ខ្លួនឈ្មោះ ប្រាក់ ពៅ ភេទប្រុស ជនជាតិខ្មែរ មុខរបរកម្មករសំណង់ ស្នាក់នៅផ្ទះB៥ ភូមិតាងៅក្រោម សង្កាត់និរោធ ខណ្ឌច្បារអំពៅ ពាក់ព័ន្ធករណីលួចទ្រព្យសម្បត្តិ នៅចំណុចផ្ទះB៤ ភូមិតាងៅក្រោម សង្កាត់និរោធ ខណ្ឌច្បារអំពៅ ។
![](/wp-content/uploads/2024/1/17/media/large/277591/92634d96c6b14286be0c30b6c1a38fb6.jpg?1705475931)
ដកហូតវត្ថុតាង ៖ ចិញ្ចៀនប្លាទីន (ទឹក៤) ដាំត្បូង ពណ៌ស ចំនួន ៥វង់ ។
ក្រោយមកសមត្ថកិច្ចជំនាញបន្តស្រាវជ្រាវរហូតដល់នៅថ្ងៃទី១៦ ខែមករា ឆ្នាំ២០២៤ បានឃាត់ខ្លួនជនសង្ស័យម្នាក់ទៀត ឈ្មោះ អ៊ី ផល្លា ភេទស្រី ជនជាតិខ្មែរ មុខរបរលក់គ្រឿងអល័ង្ការ ស្នាក់នៅផ្ទះលេខ២៩៤ ផ្លូវ ៣៦៩ ភូមិដើមចាន់ សង្កាត់ច្បារអំពៅ២ ខណ្ឌច្បារអំពៅ ពីបទទទួលផលចោរកម្ម ។
វត្ថុតាងដកហូត៖ ចិញ្ជៀនប្លាទីន (ទឹក៣) មានដាំត្បូង ពណ៌ស ចំនួន ៥៣វង្ស។
បច្ចុប្បន្នជនសង្ស័យទាំង២នាក់ និងវត្ថុតាង ត្រូវបានកម្លាំងជំនាញកំពុងកសាងសំណុំរឿងបញ្ជូនទៅសាលាដំបូងរាជធានីភ្នំពេញ ចាត់ការតាមនីតិវិធី ៕