សេដ្ឋីនីជោគជ័យ នៅក្នុងមុខជំនួញអនឡាញ អ្នកនាង ម៉ូលីកា បានធ្វើឲ្យមានការភ្ញាក់ផ្អើលពេញបណ្តាញសង្គមហ្វេសប៊ុក បន្ទាប់ពីបានបង្ហាញរថយន្តស៊េរីថ្មីមួយគ្រឿងទៀត ពណ៌ឡើងក្រហមឆ្អិនឆ្អៅ ជាពណ៌ហុងស៊ុយ ម៉ាក Ferrari- 488 GTB ទើបនឹងទំលាក់ពីកុងតឺន័រថ្មីៗតែម្តង។
ជាក់ស្តែងកំពូលអ្នកលក់អនឡាញ ដ៏មានឈ្មោះល្បីរូបនេះ ត្រូវបានគេដឹងថា អ្នកនាង ទើបតែឡើងផ្ទះវិឡា១យ៉ាងស្រស់ប្រណិត ដោយមានការរៀបចំពិធីអធិកអធម ។ អ្វីដែលគួរកាលពីថ្ងៃទី ១០ ខែតុលា ឆ្នាំ២០២២នេះ ទើបតែទិញរថយន្តថ្មីមួយគ្រឿង ម៉ាក Ferrari- 488 GTB ដែលជារថយន្តក្នុងក្តីស្រម៉ៃរបស់អ្នកនាង ចង់បានមកជាយូរហើយ។
អ្នកនាង ម៉ូលីកា បានធ្វើការបង្ហោះសារលើបណ្តាញសង្គមហ្វេសប៊ុករបស់ខ្លួនថា "យលសប្តិថាបាននៅក្បែរបង លូវបានក្បែរមែនហើយ My Crush Mo Lika Ferrari 488 GTB "។ អ្នកនាង បានបន្តទៀតថា "ស្វាគមន៍សមាជិកថ្មី ….….តំលៃរៀងអ៊ែមជាងមុនតិច 350000$$$ welcome new member Mo Lika Meanon Hong Nun ChanMonitaកូនពៅ"។
មិនទាន់ត្រឹមតែប៉ុណ្ណឹងទេ អ្នកនាង បានបង្ហើបឲ្យដឹងបន្ថែមទៀតថា "ដើម្បីកូនពៅMummyសុខចិត្តញុាំអំបិល ប្រហុក Mo Lika Ferrari 488 GTB Ferrari_488GTB 350000$"។ ជីវិតកាន់តែប្រសើរ និងកាក់កបខ្លាំងក្នុងមុខជំនួញ ទើបធ្វើឲ្យអតីតតារាចម្រៀងស្រីរូបនេះ បោះទុនទិញរថយន្តក្នុងក្តីស្រម៉ៃ ដើម្បីបំពេញក្តីសុខ ឲ្យខ្លួនឯង ដែលខំប្រឹងរកលុយទាំងលំបា ក លំបិន ។
គួរបញ្ជាក់ផងដែរ កាលពីពេលកន្លងមក អតីតតារាចម្រៀងស្រី ផ្លាស់ប្តូរជីវិត មកជាអ្នកលក់អនឡាញ និងទទួលបានជោគជ័យរូបនេះ ទើបតែទិញរថយន្តទំនើបម៉ាក Escalate ពណ៌ខ្មៅស៊េរីចុងក្រោយ តម្លៃជិតកន្លះលានដុល្លារ រួចមកហើយ៕
