ប្រិយមិត្តជាច្រើនបានជ្រាបហើយថា កាលពីថ្ងៃទី០៩ ខែតុលា ឆ្នាំ២០២២ Youtuber ដ៏ល្បីឈ្មោះពីរូប នោះគឺ លោក ហេង សុខវិសាល ជាមួយនឹង កញ្ញា ជា ស្រីនា ដែលជាបុគ្គលដ៏ល្បីលើបណ្តាញសង្គម បានចាប់ដៃគ្នាចូលរោងភ្ជាប់ពាក្យ ដែលកម្មវិធីនោះ បានរៀបចំឡើងយ៉ាងអធិកអធម។
នៅក្នុងថ្ងៃភ្ជាប់ពាក្យនោះដែរ គេសម្គាល់ឃើញថា នៅក្នុងពិធីភ្ជាប់ពាក្យរបស់លោក ហេង សុខវិសាល និង ជា ស្រីនា មានសិល្បៈករ សិល្បៈការិនី រៀមច្បងបានតុបតែងខ្លួនយ៉ាងស្រស់ស្អាត ។ ក្នុងពិធីភ្ជាប់ពាក្យរបស់ ហេង សុខវិសាល និង ស្រីនា ក៏មានអ្នកនាង ឱក សុគន្ធកញ្ញា , អ្នកនាង សុគន្ធ និសា, អ្នកនាង ពេជ្រ សោភា, កញ្ញា រ៉េត ស៊ូហ្សាណា និងមានសិល្បៈករ សិល្បៈការិនី ជាច្រើនទៀត បានចូលរួម។
អ្វីដែលធ្វើឲ្យបងប្អូនចាប់អារម្មណ៍នោះ ជា ស្រីនាថ ដែលជាប្អូនស្រី របស់ ជា ស្រីនា បានតុបតែងខ្លួនយ៉ាងស្រស់ស្អាត និងគួរឲ្យស្រឡាញ់ ហើយថែមទាំង មានការចាប់អារម្មណ៍ជាខ្លាំងពីសំណាក់ អ្នកគាំទ្រ និង អ្នកចូលរួមនៅក្នុងកម្មវីធីផងដែរ។ ស្ថិតនៅក្នុងឈុតបែបប្រពៃណី សំពត់បត់អាវច្នៃយ៉ាងទាក់ទាញពណ៌កំបោរក្នុងកម្មវិធីពេលព្រឹក៕
