សៀមរាបៈ លោកទិត្យ​ ណារ៉ុង​ ស្នងការនគរបាល ខេត្តសៀមរាប​ បានបញ្ជាអោយកម្លាំង ចម្រុះចុះយាមល្បាត ក្រុមចោរឆក់កាបូប នៅវេលាម៉ោង៥ៈ៣០នាទី ព្រឹកថ្ងៃទី១០ ​ខែកក្កដា​ ឆ្នាំ២០១៨ ឃាត់ខ្លួនបាន១០ នាក់។ នគរបាល ខេត្តសៀមរាប ធ្វើការល្បាតពួនស្ទាក់ខាងលើ ករណីអំពើលួចឆក់កាបូប នៅក្នុងខេត្ត សៀមរាបនេះ​ គឺដើម្បីការពារសុវត្ថិភាពជូន ដល់បងប្អូនប្រជាពលរដ្ឋ​ ក៏ដូចជាភ្ញៀវទេសចរណ៍ជាតិ និងអន្តរជាតិ ។

កម្លាំងនគរបាលស្រុកប្រាសាទបាគង​ បានធ្វើការល្បាតពួនស្ទាក់ បង្ក្រាបជាក់ស្តែងបានចោរឆក់ កាបូបភ្ញៀវទេសចរណ៍ចំនួន ២នាក់​ និងសហការកម្លាំងជំនាញ ការិយាល័យនគរបាល ព្រហ្មទណ្ឌកម្រិតស្រាល​ ជាមួយអធិការក្រុងសៀមរាប​ អធិការស្រុកប្រាសាទបាគង​ អធិការស្រុកសូទ្រនិគម​ នឹងអង្គភាពនគរបាលទេសចរណ៍​ បានបើកការស្រាវជ្រាវបង្ក្រាប ដល់ឫសគល់នូវបក្ខពួកក្រុមចោរឆក់ សរុបទាំងអស់បានចំនួន ១០នាក់ ។ ចំណែកបក្ខពួក និងក្រុមចោរឆក់ដទៃទៀតកម្លាំង ការិយាល័យជំនាញបាន កំណត់មុខសញ្ញារួចអស់ហើយ​ កំពុងបន្តស្រាវជ្រាវតាមចាប់ខ្លួន ៕