ក្មេងប្រុសយ៉ាងតិច០៦នាក់ក្នុងចំណោម១២នាក់ ដែលជាប់ក្នុងរូងភ្នំលិចទឹក នៅភាគខាងជើងប្រទេសថៃ ជាមួយ​​គ្រូបង្វឹក​ម្នាក់​របស់ពួកគេ អស់រយៈពេលប្រមាណ១៥យប់កន្លងមកនេះ ទីបំផុតត្រូវបានជួយសង្រ្គោះចេញមកខាងក្រៅវិញ ដោយ​​សុវត្ថិ​ភាព​ជាបណ្តើរៗហើយ។ នេះបើតាមការដកស្រង់ការផ្សាយចេញពីសារព័ត៌មាន The Guardia នៅយប់ថ្ងៃអាទិត្យ ទី០៨ ខែកក្កដា ឆ្នាំ២០១៨។

បន្ទាប់ពីក្រុមសង្គ្រោះពិសេសបានធ្វើប្រតិបត្តិការយ៉ាងផ្សងគ្រោះថ្នាក់មួយ ។ ក្មេង ៤ នាក់នោះមិនត្រូវបានគេបង្ហាញអត្តសញ្ញាណឡើយ តែយ៉ាងណាពួកគេគឺមានសុវត្ថិភាព ហើយពេលនេះកំពុងត្រូវបានគេមើលថែយ៉ាងល្អ ។គួរឱ្យដឹងដែរថា នេះជាជំហានទី ១ ក្នុងការនាំយកក្មេងៗចេញពីក្នុងរូងភ្នំដ៏ពិបាក ហើយសម្រាប់ក្មេងៗដែលនៅសេសសល់ឯទៀតក៏កំពុងត្រូវបានគេសង្គ្រោះជាបន្តបន្ទាប់ទៀតផងដែរ ប៉ុន្តែដោយក្នុងវិធីណានោះគេនៅមិនទាន់បញ្ជាក់ច្បាស់ឡើយ ។ Update: មកដល់ ម៉ោង ៨ និង ១៥ នាទីនេះ ក្មេងៗត្រូវបានសង្គ្រោះចេញពីល្អាងភ្នំ មានចំនួន៦នាក់ ហើយ។ 8:15mn: ទៅដល់មន្ទីរពេទ្យ ៤នាក់ និង ២នាក់ទៀតកំពុងចេញដំណើរ។,