កុំទុកចិត្តមេឃកុំទុកចិត្តដី... អាងតែស្គាល់គ្នា ម្ចាស់រថយន្តចុះពីរថយន្តទៅបន្ទប់ទឹកមួយភ្លែត ពេលមកវិញបាត់រថយន្តបាត់....

ខេត្តកំពត ៖ កាលពីវេលាម៉ោង៦ល្ងាចថ្ងៃទី០៦ ខែកក្កដា ឆ្នាំ២០១៨ មានហេតុការណ៍ដ៏ភ្ញាក់ផ្អើលមួយបានកើតឡើង ដោយបុរសម្នាក់ជាម្ចាស់បានទុកសោក្នុងរថយន្តដើចូលបន្ទប់ទឹក ស្រាប់តែមានមនុស្សញៀនថ្នាំ និងជាអ្នកស្គាល់គ្នាដែរ មកលួចបើករថយន្តយកទៅបាត់ ស្ថិតក្នុងភូមិ១ឧសភា សង្កាត់កំពង់កណ្ដាល ក្រុងកំពត ខេត្តពត។

ជនរងគ្រោះជាម្ចាស់រថយន្តឈ្មោះ អ៊ុំ វណ្ណៈ អាយុ៣៨ឆ្នាំ រស់នៅភូមិកំពង់បាយខាងជើង សង្កាត់កំពង់បាយ ក្រុងកំពត រថយន្តម៉ាក LEXUS.RX ៣០០ ស៊េរីឆ្នាំ ២០០២ ពណ៌ទឹកប្រាក់ គ្មានស្លាកលេខ ។ ចំណែកជនសង្ស័យ ដែលជាប់ចោទលួចរថយន្តនោះឈ្មោះ សុខ សំណាង ភេទប្រុស អាយុ២៧ឆ្នាំ ស្នាក់នៅភូមិក្រាំង សង្កាត់ក្រាំងអំពិល ក្រុងកំពត ខេត្តកំពត ដែលជាមនុស្សធ្លាប់រត់តាក់ស៊ី និង ស្គាល់គ្នាជាមួយជនរងគ្រោះ ។

បើតាមសម្តីម្ចាស់រថយន្តបានប្រាប់ថា គាត់បានចតរថយន្តទុក ដោយមិនបានដកសោចេញពីរថយន្ត ហើយក៏ដើរចូលបន្ទប់ទឹក ពេលចេញពីបន្ទប់ទឹកវិញ ស្រាប់តែចោរលួចរថយន្តទៅបាត់។ ជនសង្ស័យនិងរថយន្ត បានប្រគល់ឲ្យសមត្ថកិច្ចអធិការក្រុងកំពតវិញ នៅវេលាម៉ោង១១យប់ថ្ងៃដដែល ដើម្បីចាត់ការតាមផ្លូវច្បាប់ ។ ដោយ ៖ ស្មី

ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។