រាជធានីភ្នំពេញ ៖ យុវជនប្រុសស្រី២នាក់ បានបើករថយន្តLAND ROVER DISCOVERY មួយគ្រឿង​ ហើយបោះពួយយ៉ាងលឿន រួមទាំងស្រវឹងផងនោះ ក៏បួងចង្កូតមិនទាន់​ ជ្រុលទៅបុកគល់ស្ពាន់ព្រះមុន្នីវង្ស ចាស់ និងហោះទៅបុកនិងដើមពោធិ៍ខ្ទេចមួយកំណាត់មុខ ទៅមុខលែងរួច សំណាងល្អមិនមានអ្នករបួស ។

ហេតុការណ៍នេះ បានកើតឡើយនៅវេលាម៉ោង១ និង៣០នាទីរំលងអធ្រាត ឈានចូលថ្ងៃទី២៥ ខែមិថុនា ឆ្នាំ២០១៨ នៅត្រង់ចំនុចគល់ស្ពានព្រះមុន្នីវង្សចាស់ ស្ថិតក្នងសង្កាត់ច្បារអំពៅ២ ខណ្ឌច្បារអំពៅ រាជធានីភ្នំពេញ ។ យោងតាមប្រភពពីកន្លែងកើតហេតុបានឲ្យដឹងថា មុនពេលកើតហេតុគេឃើញយុវជនម្នាក់ រួមដំណើរនិងនារីម្នាក់ បើករថយន្តLAND ROVER DISCOVERY សេរីទំនើប ពណ៌ស ពាក់ស្លាកលេខភ្នំពេញ 2AL-0016 ធ្វើដំណើរតាមបណ្ដោយផ្លូវជាតិលេខ១ ទិសដៅពីកើតទៅលិច បំណងឆ្លងស្ពាន តែពេលនោះ អ្នកបើកបរមានស្ថានភាពស្រវឹង និងបោះពួយលឿនពេក ខណះមកដល់ចំនុចកើតហេតុខាងលើបួងចង្កូតមិនទាន់ បានទៅបុកគល់ស្ពាន និងហោះពីលើស្ពានប្រហែល២០ម៉ែត្រជ្រុលទៅបុកខ្ទមអ្នកតានិងដើមពោធិ៍កល់ជាប់ទៅមុខលែងរួច​ ដោយរថយន្តបានរងការខូចខាតផ្នែកខាងមុខយ៉ាងដំណំ តែសំណាងល្អមិនមានអ្នករងរបួស។ ចំណែកអ្នកបើកបររថន្តត្រូវបានសមត្ថកិច្ចនាំខ្លួនទៅប៉ុស្តិ៍ច្បារអំពៅ២។ ក្រោយកើតហេតុ សមត្ថកិច្ចមូលដ្ឋានបានចុះមកដល់កន្លែងកើតហេតុ និងទំនាក់ទំនងជំនាញចរាចរណ៍ឲ្យចុះមកធ្វើការវាស់វែង យករថយន្តបង្កទៅរក្សាទុកនៅការិយាល័យចរាចរណ៍ផ្លូវគោករាជធានីភ្នំពេញ ដើម្បីរងចាំដោះស្រាយនៅពេលក្រោយ៕ ដោយៈ ភារ៉ា