ភ្នំពេញ៖ នៅរសៀលថ្ងៃទី២២ ​ខែមិថុនា​ ឆ្នាំ២០១៨នេះ​ ជនសង្ស័យវ័យក្មេង២នាក់ ដែលជាសិស្សសាលា​ច្បារអំពៅ​ បានជិះម៉ូតូធ្វើសកម្មភាព ឆក់ទូរស័ព្ទ ពីជនជាតិចិនបានសម្រេច​ តែជិះម៉ូតូរត់មិនរួច​ ត្រូវបាន​សមត្ថកិច្ចដេញឃាត់ខ្លួនបាន​ នៅតាមបណ្តោយផ្លូវ​ឡើងស្ពានហង្ស​ (ផ្លូវសបិត)​ ស្ថិតក្នុងសង្កាត់ទន្លេបាសាក់​ ខណ្ឌចំការមន​។

ជនសង្ស័យទី១. ឈ្មោះ​ទី១​ ប៉ា​ សុភា​ អាយុ១៦​ឆ្នាំ មុខរបរសិស្សសាលាច្បារអំពៅ និងទី២. ឈ្មោះ អៀង​ រតនា អាយុ១៦ឆ្នាំ សិស្សសាលាច្បារអំពៅ ជនសង្ស័យទាំង២នាក់នេះ ស្នាក់នៅម្តុំច្បារអំពៅ​​ ជិះម៉ូតូម៉ាក់ហុងដាឌ្រីមស៊េរីឆ្នាំ២០១៥​ ពណ៌ខ្មៅ​ ដែលមានស្លាកលេខភ្នំពេញ 1DD-2449​ រីឯទូរស័ព្ទឆក់បាន សម្រេចនោះ ម៉ាក IPhone 6Plus ពណ៌ស៕