(ដំណឹងបឋម)៖ ស្ដែងៗណាស់បុរសចំណាស់ម្នាក់បេីករថយន្ត LEXUS បុករះម៉ូតូនិងកង់បី ផ្ទប់ដេីមឈេី ស្លា-ប់ម្នាក់ របួសធ្ងន់ម្នាក់ នៅផ្លូវព្រះនរោត្តម ពីមុខអតីតសណ្ឋាគារតាយម៉េង រហូតដល់មុខក្រសួងមហាផ្ទៃ សង្កាត់ទន្លេបាសាក់ ខណ្ឌចំការមន រាជធានីភ្នំពេញ នៅវេលាម៉ោងជាង២រសៀល ថ្ងៃទី១៥ ខែឧសភា ឆ្នាំ២០២៥នេះ ភ្លាមៗតៃកុងរថយន្តសង្ស័យស្រវឹងទាំងថ្ងៃ ត្រូវបានសមត្ថកិច្ចឃាត់ខ្លួនបាន នាំទៅអធិការដ្ឋាននគរបាលខណ្ឌចំការមន ។
យ៉ាងណាមិញនេះបើយោងតាមការបង្ហោះរបស់បងប្រុសម្នាក់ដែលជាអ្នកធ្វើដំំណើរនៅលើដងផ្លូវកើតហេតុការណ៍ខាងលើផ្ទាល់បានបង្ហោះសំណេរដូច្នេះថា ៖ « ខ្ញុំមិនទាន់បាត់ស្លុតចិត្តទេ សំណាងណាស់មួយជួរតាំងពីស្ពានគេចផុតតែខ្ញុំ គេចផុតមួយស្រូវ ។ ខ្ញុំលឺសម្លេងបុករៈពីក្រោយក៍ក្រឡេកមើលកញ្ចក់ចំហៀង ក៍ងាកចង្កូតមកឆ្វេងទាន់តែមួយស្រូវប៉ុណ្ណោះ អាណិតអ្នករងគ្រោះណាស់ គ្នាជិះម៉ូតូទន្ទឹមឡានខ្ញុំ ។ សំខាន់អ្នកបើកបរក្នុងអាការៈស្រវឹង ក្រោយហេតុការណ៍គាត់បានប្រាប់ភាគីរងគ្រោះរថយន្តPrius មុខខ្ញុំថាគាត់ជាមន្ត្រីប៉ូលីសនៅក្រសួងមហាផ្ទៃដែរ ។ គាត់ហាក់គ្មានភិតភ័យអីបន្តិច ពេលលោកអធិការមកដល់គាត់ឈរជ្រែងហោប៉ៅ កាន់អាយកូមឡើងហំដដែល ។ សូមសំណូមពរកុំឲ្យមានការអនុគ្រោះដល់ជននេះឲ្យសោះ សង្វេគអ្នករងគ្រោះណាស់» ៕
