ខេត្តព្រះសីហនុៈ កាលពីម៉ោងជាង៣យប់រំលងអធ្រាត្រឆ្លងចូលថ្ងៃទី២០ ខែមិថុនា ឆ្នាំ២០១៨ មានករណីភ្ញាក់ផ្អើលមួយ ដោយប្រទះឃើញទូកនេសាទមួយគ្រឿង អណ្តែតទឹកមកទើ នៅឆ្នេរដីគោកចំណុច ខាងត្បូងឈាងខាងលិចកោះឫស្សី ខេត្តព្រះសីហនុ។

មន្ត្រីកងទព័ជើងទឹកមូលដ្ឋានសមុទ្រ បានអោយដឹងថា ក្រោយទទួលសេចក្តីរាយការណ៏ ដ៏ដែលបញ្ជាក់ថា ទូកនេសាទមួយនេះជា ប្រភេទទូកនេសាទអូសមឹក ហើយក៏ពុំមានឃើញមនុស្សណាម្នាក់នៅលើទូកឡើយ ប៉ុន្តែនៅក្នុងទូកមានបន្សល់ទុកម្ហូបអាហារនិងរបស់របរសម្ភារៈប្រើប្រាស់មួយចំនួន។ រហូតមកដល់ព្រឹកថ្ងៃដ៏ដែលនេះ ខាងកងទព័ជើងទឹក នៅមិនទាន់ដឹងពីមូលហេតុ ដែលនាំអោយទូកមួយនេះរសាត់តាមទឹកសមុទ្រមកទើ លើឆ្នេរដែល ដោយកំពុងសហការជាមួយសមត្ថកិច្ចពាក់ពន្ធ័ធ្វើការស្រាវជ្រាវ។ បច្ចុប្បន្នទូកនេះត្រូវបានកម្លាំងកងទ័ពជើងទឹកមូលដ្ឋានសមុទ្រ រក្សាទុក និងប្រកាសរកម្ចាស់ទូក ដើម្បីប្រគល់ជូនម្ចាស់ដើមវិញ៕ ដូចច្នេះហើយសូម ពុកម៉ែ បងប្អូនទាំងអស់គ្នា មេត្តាប្រុងប្រយ័ត្នផង នៅរដូវខែភ្លៀងនេះ ពិសេសបងៗខាងចុះ ទូកទៅនេសាទ គួរប្រុងប្រយ័ត្នទាំងអស់គ្នា ព្រោះថារដូវនេះទឹករលក បោកបក់ខ្លាំងណាស់ ហើយឆ្នាំនេះក៏មានព្យុះកំណាច់ ច្រើនណាស់ដែល ។