កំពង់ធំៈ ត្រូវនឹងថ្ងៃទី១៨ ខែមិថុនា ឆ្នាំ២០១៨ វេលាម៉ោង១៣ និង៣០នាទី លេីផ្លូវកំណាត់ផ្លូវលំក្រាល កៅស៊ូ ចំណុចផ្លូវកោង ភូមិមហរ៍ ឃំុជ័យ ស្រុកកំពង់ស្វាយ ខេត្តកំពង់ធំ ។ មានករណីគ្រោះថ្នាក់ចរាចរ ម៉ូតូបុករថយន្ត ក្នុងទិសដៅផ្ទុយគ្នា បណ្តាលអោយរបួសធ្ងន់ ២នាក់ (ភេទស្រី) ជិះម៉ូតូហុងដា C125 ពណ៌ខ្មៅ ផ្លាកលេខកំពង់ធំ1K.2272 ។

ក្នុងហេតុការណ៏នេះជងរងគ្រោះខាងលើមានឈ្មោះ ហុន.ចាន់ធី ភេទស្រី អាយុ២០ឆ្នាំ នៅភូមិស្នួល ឃុំស្រឡៅ ស្រុកបារាយណ៍ ខេត្តកំពង់ធំ របួសធ្ងន់។ រីឯនារីម្នាក់ទៀតមានឈ្មោះ ឡាច.គង្គា ភេទស្រី អាយុ១៨ឆ្នាំ នៅភូមិថ្នល់ ឃុំទ្រៀល ស្រុកបារាយណ៍ ខេត្តកំពង់ធំ របួសធ្ងន់ ។ ចំនែករថយន្តដឹកដី ពណ៌ស ផ្លាកលេខភ្នំពេញ3A.1703 បើកបរដោយឈ្មោះ ញឹក.ធា ភេទប្រុស អាយុ២៦ឆ្នាំ នៅភូមិជាផល ឃុំមានជ័យ ស្រុកសណ្តាន់ ខេត្តកំពង់ធំ (គេចខ្លួនបាត់) ។