ប្រទេសចិន ផ្អាកយកផ្លែគូលេន ពីរប្រទេសវៀតណាមជាង១,០០០តោន ព្រោះវៀតណាម ជាប់ឈ្មោះថា ខាងប្រើថ្នាំគីមីលេខ១ - សង្គម សិល្បៈ កម្សាន្ដ - Khmer News - The latest Cambodia News. Khmer Times is the region's fastest growing newspaper with daily insights into Cambodia and ASEAN

ប្រទេសចិន ផ្អាកយកផ្លែគូលេន ពីរប្រទេសវៀតណាមជាង១,០០០តោន ព្រោះវៀតណាម ជាប់ឈ្មោះថា ខាងប្រើថ្នាំគីមីលេខ១

(ហាណូយ)៖ ខេត្ត ហៃដុង (Hai Duong) ភាគខាងជើងវៀតណាម ដែលជាតំបន់ល្បីឈ្មោះសម្រាប់ពូជផ្លែគូលែនពិសេសម៉្យាងនោះ កំពុងគ្រោងនឹងធ្វើការនាំចេញប្រភេទផ្លែឈើនេះក្នុងចំនួន ១,០០០តោន ចេញទៅក្រៅប្រទេសនៅឆ្នាំ២០១៨ នេះ។ នេះបើតាមការដកស្រង់ការផ្សាយចេញពី ទីភ្នាក់ងារព័ត៌មានចិន ស៊ីនហួរ នៅរសៀលថ្ងៃចន្ទ ទី១១ ខែមិថុនា ឆ្នាំ២០១៨។

ដើមផ្លែគូលែនរបស់វៀតណាម ដែលគេហៅថា ធីវ (Theiu) ត្រូវបានដាំដុះដោយផ្អែកទៅលើស្តង់ដា វៀតហ្គេប (VietGAP) ឬ GlobalGAP ដែលត្រឹមត្រូវតាមការកំណត់ទាមទារយ៉ាងតឹងរ៉ឹង នៃទីផ្សារនាំចេញដូចជា សហរដ្ឋអាមេរិក អូស្រ្តាលី និងសហភាពអឺរ៉ុបជាដើម។ ម៉្យាងវិញទៀត ពូជផ្លែគូលែននេះក៏ត្រូវបាននាំចេញទៅកាន់ទីផ្សារដ៏ធំរបស់ចិនផងដែរ។

គួរជម្រាបថា បច្ចុប្បន្នខេត្ត Hai Duong មានផ្ទៃដីដាំដុះដើមគូលែនទំហំប្រមាណ ១០,៥០០ហិកតា ដែលភាគច្រើនគឺជាពូជគូលែន Thieu នៅស្រុកថាញ់ហា (Thanh Ha) និងក្រុងលិញ (Linh) ជាមួយទិន្នផលប្រហែល ៦០,០០០តោន នៃផ្លែឈើស្រស់នេះក្នុងមួយឆ្នាំៗ។ កាលពីប៉ុន្មានឆ្នាំមុននេះ ប្រទេសចិនក៏ធ្លាប់បានបិទការនាំចូលផ្លែគូលែន ពីប្រទេសវៀតណាមផងដែរ ដោយសារតែការរកឃើញថា ផល្លានុផលនេះមានផ្ទុកសារធាតុគីមីខ្លាំង៕