នៅកាលពីពេលថ្មីៗនេះឃើញថាមានការចាប់អារម្មណ៍ជាខ្លាំងនៅលើបណ្តាញសង្គម Tik Tok ក្រោយមានកម្មពិធីមង្គលការមួយ មានកូនកម្លោះម្នាក់និងកូនក្រមុំ រហូតដល់ទៅ២នាក់ឯណ្ណោះ ។
យ៉ាងណាមិញ កម្មពិធីមង្គលការនេះឃើញថាមានការ រៀបចំឡើងទៅតាមទំនៀមទំម្លាប់ប្រពៃណីខ្មែរបានល្អណាស់ ហើយមានការចូលរួមពីសំណាក់បងប្អូនសាច់ញាតិទាំងសងខាង យ៉ាងច្រើនកុះករថែមទៀតផង ទើបញឹងឲ្យកម្មពិធីកាន់តែមានភាពសប្បាយរីករាយ យ៉ាងគក្រឹក គក្រែងផងដែរ ។
ជាមួយគ្នានេះដែរអ្វីដែលគួរឲ្យចាប់អារម្មណ៍ខ្លាំងនោះគឺ នៅក្នុងកម្មពិធីមង្គលការមួយនេះមានកូនកម្លោះតែម្នាក់ ចំណែកកូនក្រមុំ គឺមានដល់ទៅ ២ នាក់ឯណ្ណោះដែលជាហេតុធ្វើឲ្យមានមហាជនច្រើនបានមានការចាប់អារម្មណ៍និងភ្ញាក់ផ្អើលជាខ្លាំង ។
នេះបើយោងតាមមតិដកស្រង់ចេញពីការខមមិនរបស់ បណ្តារអ្នកប្រើប្រាស់បណ្តាញសង្គម បានប្រាប់ថា មូលហេតុដែលមង្គលការមួយនេះ មានកូនក្រមុំដល់ទៅ ២ នាក់នោះគឺមកពី កូនក្រមុំជាកូនភ្លោះ ដូច្នេះទំនៀមទម្លាប់នៅតាមបណ្តារស្រុកភូមិមួយចំនួនគឺគេតម្រូវអោយធ្វើបែបនេះ ។
បើយើងក្រឡេកមកមើលកូនក្រមុំទាំងពីរនាក់នេះវិញ គឺពិតជាមានរូបសម្ផស្ស ស្រស់ស្អាតខ្លាំងណាស់ មិនចាញ់គ្នានោះទេ នៅពេលដែលតែងខ្លួនជាក្រមុំបែបនេះ ហើយកូនកម្លោះវិញក៏មានរូបរាងនិងមុខមាត់ស្រស់សង្ហាមិនណយដែរ មើលទៅពួកគេពិតជាសមនិងគ្នាខ្លាំងមែនទែន៕
ដើម្បីជ្រាបច្បាស់សូមទស្សនាវីដេអូខាងក្រោមនេះ ៖
