ថ្មីៗនេះនៅលើបណ្តាញសង្គមហ្វេសប៊ុកឃើញថាមានការភ្ញាក់ផ្អើលមែនទែនបន្ទាប់ពីមានបុរសម្នាក់ដែលជាអ្នកលក់លៀសហាល បានច្រៀងបទរបស់លោក ខេម បានយ៉ាងពិរោះ និងអេមខ្លាំងមែនទែន ចំណែកសម្លេងវិញគឺពិតជាដូច ខេម ខ្លាំងណាស់បើមិនបានឃើញមុខអ្នកច្រៀងច្បាស់ជាគិតថា ខេម ហើយ ។
យ៉ាងណាមិញមិនត្រឹមតែមហាជននោះទេដែលភ្ញាក់ផ្អើលនិងសមត្ថភាពរបស់បុរសម្នាក់នេះ សូម្បីតែម្ចាស់បទផ្ទាល់ក៏ចេញមុខមកបង្ហាញការភ្ញាក់ផ្អើលដែរ ថ្មីៗនេះ ខេម បានបង្ហោះសារនៅលើហ្វេសប៊ុករបស់លោកនិយាយពីបុរសម្នាក់នេះថា ៖« បងមកអាមេរិក មិនទាន់បានប៉ុន្មានថ្ងៃផង ប្អូនចង់ដណ្ដើមអាជីពបងហើយ សង្ឃឹមពេលបងត្រឡប់ទៅវិញ ប្អូនប្រគល់អាជីពនេះជូនបងវិញ សំខាន់សក់របស់ប្អូនពិតជាពិបាករកណាស់ម៉ូតបែបនេះ អរគុណសម្រាប់ការស្រលាញ់គាំទ្រ» ។
ជាមួយគ្នានេះដែរមិនត្រឹមតែបង្ហោះសារពោលពាក្យបែបនេះទេ ខេម បានកាត់វិដេអូរបស់លោកភ្ជាប់ជាមួយនិងវិដេអូច្រៀងរបស់ បុរសលក់លៀសហាលនោះរួច លោកបានឲ្យមេដាយ ទៅកាន់តែលក់លៀសហាលក្នុងគោលបំណងស្រឡាញ់រាប់អាន ហើយមើលទៅលោកពិតជាពេញចិត្តខ្លាំងណាស់ចំពោះសមត្ថភាពរបស់អ្នកលក់លៀសម្នាក់នេះ ៕
