ពិតណាស់ថ្មីៗនេះនៅលើបណ្តាញសង្គមមានការចាប់អារម្មណ៍យ៉ាងខ្លាំងបន្ទាប់ពីតារាសម្តែងស្រីដ៏ល្បីឈ្មោះ កញ្ញា ហុិន ច័ន្ទនីរ័ត្ន បានបង្ហោះរូបថតបង្ហាញភាពស្និតស្នាលគ្នាខ្លាំងជាមួយនិងកម្លោះសង្ហាម្នាក់ដែលជាតារាដ៏ល្បីឈ្មោះគឺលោក ខៃ មើលទៅពិតជាសមគ្នាមែនទែន ។
យ៉ាងណាមិញសម្រាប់តារាសម្តែងកញ្ញា ហុិន ច័ន្ទនីរ័ត្ន តាំងពីចូលប្រឡូកនៅក្នុងវិស័យសិល្បៈមកឃើញថានាងមិនដែលមានរឿងអាស្រូវធ្លាប់ទាក់ទងជាមួយនិងបុរសណាសូម្បីតែម្នាក់ ចំណែកកម្លោះសង្ហា ខៃ វិញក៏មិនទាន់ឃើញបង្ហាញមុខនារីណាម្នាក់ថាជាគូស្នេហ៍របស់លោកឡើយ ដោយសារតែនៅ Single ដូចគ្នាបែបនេះហើយ ទើបធ្វើឲ្យហ្វេនៗសង្ស័យយ៉ាងខ្លាំង ហើយក៏ចង់ឲ្យអ្នកទាំងស្រឡាញ់គ្នាពិតៗផងដែរ ។
បន្ទាប់ពីឃើញតារាប្រុសស្រីទាំងពីរថតរូបស្និតស្នាលគ្នាខ្លាំងបែបនេះហើយ មានប្រិយមិត្តជាច្រើនបានបង្ហាញការភ្ញាក់ផ្អើលគ្រប់គ្នាហើយម្នាក់ៗលាន់មាត់ថា សមគ្នាណាស់បង ខ្លះទៀតថា បើស្រឡាញ់គ្នាមែនទែនមិនដឹងល្អយ៉ាងណាទេ អ្នកមួយចំនួនទៀតថា ខាងប្រុសក៏ស្អាត ខាងស្រីក៏ស្អាត ខ្ញុំស្រឡាញ់បងទាំងពីរណាស់ ៕
