ក្មេងស្រីដ៏អភ័ព្វម្នាក់អាយុ ៥ឆ្នាំ មានជម្ងឺទឹកដក់ក្នុងខួរក្បាល កំពុងដង្ហើយរកសប្បុរសជនជួយសង្គ្រោះ។ ម្ដាយក្មេងស្រីកំសត់ឈ្មោះ ប៉ុល សាវឿន អាយុជាង ៤០ឆ្នាំ ស្នាក់នៅស្ទឹងមានជ័យ បានឲ្យដឹងថា កូនស្រីរបស់គាត់មានឈ្មោះ ចិត្តសុដា អាយុ ៥ឆ្នាំ មានជម្ងឺទឹកដក់ក្នុងខួរក្បាលតាំងពីកំណើត​មកម្ល៉េះ ហើយជារៀងរាល់ថ្ងៃសីល គាត់តែងតែដឹករទេះកូនស្រីមកអង្គុយសុំថវិកាគេនៅព្រះអង្គដង្កើ បានប្រមាណ ៥ ទៅ ៦ម៉ឺន ដើម្បីយកលុយទៅទិញទឹកដោះគោ ខោទឹកនោម និងសម្ភារប្រើប្រាស់មួយចំនួនទៀត ។ គាត់ក៏បានអំពាវនាវដល់សប្បុរសជននានា ប្រសិនចង់ជួយ​កូនស្រីដ៏អភ័ព្វរបស់គាត់ សូមទំនាក់ទំនងតាមលេខទូរស័ព្ទ ០៨៧ ៥៥ ៩០ ៨៥ ៕