បើយោងតាមផេកហ្វេសប៊ុកឈ្មោះ ដែលផលិតវីដេអូកំប្លែងសម្ដែងដោយក្រុមក្មេងៗកំពុងទទួលបានសម្លេងគាំទ្រយ៉ាងខ្លាំងពីបណ្ដាមហាជនក្នុងបណ្ដាញសង្គមកាលពីថ្ងៃទី២៩ ខែកក្កដា កន្លងទៅនេះបានអោយដឹងថា ពួកគេនឹងនាំយកអំណោយទៅចែកជូនបងប្អូនដែលរងគ្រោះដោយសារទឹកជំនន់នៅស្ទឹងត្រែង ។

ខ្លឹមសារ៖ «ថ្ងៃចន្ទ័ ទី30 ខាងមុខនេះ ក្រុមសម្ដែងក្មេងៗ រតនះ វិបុល (Rathanak Vibol ) បូករួមនិងម្ចាស់ក្រុមហ៊ុនជាច្រើនទៀតនិងយកអំណោយទៅចែកជូនបងប្អូននៅស្រុកសៀមប៉ាង ខេត្តស្ទឹងត្រែង ដែលកំពុងរងគ្រោះដោយសារទឹកជំនន់ ដូចនេះបើបងប្អូនចង់ជួយសប្បុរសធម៌បន្ថែម សូមបងប្អូនទាក់ទងមកខ្ញុំបាទផ្ទាល់បានតាមរយះលេខ 081 283 388/ 071 533 51 61/ 0777 555 28 (ខ្មែរស្រលាញ់ខ្មែរ ខ្មែរចេះជួយគ្នា ចេះចែករំលែក មានសុខរួមសុខ មានទុក្ខរួមទុក្ខ យើងមានបេះដូងតែមួយ) សរុបព៌តមានបឋមនៃការឧបត្ថម្ភសំរាប់ចែកជូនជនរងគ្រោះ៖ - ក្រុមហ៊ុនសម្រស់ធម្មជាតិ (សារ៉ាយសមុទ្រកោះហាវ៉ៃ) ឩបត្ថម្ភភួយចំនួន ៣០០ និង តង់ចំនួន ២០ - ក្រុមហ៊ុនខ្មែរហោសហូល (ផលិតផលសាប៊ូក្លិន) ឧបត្ថម្ភ សាប៊ូលាងចានល្អចំនួន ៤៨០ ដប និង ត្រីខ ២០០ កំប៉ុង - ក្រុមហ៊ុនផលិតផលព្យាបាល និង ថែរក្សារសម្រស់ OZ ឧបត្ថម្ភ ប្រាក់ ១៥០ ដុល្លា - ក្រុមហ៊ុន ផលិតផល Suree និង នំស្វីស ឧបត្ថម្ភ នំចំនួន ១០ កេស និង លុយ ២០ម៉ឺន - ក្រុមហ៊ុន ប្រេងកូឡារូបនាគព្រួសភ្លើង ឧបត្ថម្ភប្រេងកូឡាចំនួន ២១៦ ដប - ក្រុមហ៊ុន ធី អេស អេក ហ្វូត ឧបត្ថម្ភប្រាក់ចំនួន ១០០ ដុល្លា