រន្ធត់ចិត្ត!!! សាកសពបុរស៣នាក់ បងប្អូនជីដូនមួយនិងគ្នា ដែលធ្វើការ ជាកម្មករធ្វើឡូហ្គោនៅ ខេត្តឧប៊ុនរាជធានី ប្រទេសថៃ ត្រូវបានបញ្ជូនត្រឡប់មកឲ្យសាច់ញាតិ តាមច្រកទ្វារអន្តរជាតិ ប៉ោយប៉ែត

ប្រទេសថៃៈ កាលពីព្រឹកថ្ងៃទី២៥ ខែកក្កដា ឆ្នាំ២០១៨នេះ សាកសពបុរស៣នាក់ បងប្អូនជីដូនមួយនិងគ្នា ដែលធ្វើការ ជាកម្មករធ្វើឡូហ្គោនៅ ខេត្តឧប៊ុនរាជធានី ប្រទេសថៃ។ ត្រូវបានបញ្ជូនត្រឡប់មកឲ្យសាច់ញាតិតាមច្រកទ្វារអន្តរជាតិប៉ោយប៉ែត។

ជនរងគ្រោះទាំង៣នាក់មាន ១ឈ្មោះ ស៊ុនឈិន ភេទប្រុស អាយ២២ឆ្នាំ ២ឈ្មោះភន ស៊ាបភេទប្រុស អាយុ២៧ឆ្នាំ និង៣ឈ្មោះ លឹម នីតា ភេទប្រុស អាយុ៤៣ឆ្នាំ។ មានទីលំនៅក្នុងភូមិចាមរអា ឃុំព្រៃស្វាយ ស្រុកមោងឫស្សី ខេត្តបាត់ដំបង ។

កម្មកររួមការងារជាមួយគ្នា និងជាសាច់ញាតិ ដែលវិលត្រឡប់មកជាមួយសព បានប្រាប់ថា ដំបូងជនរងគ្រោះបានស្ទូចឡូហ្គោឡើង លុះដាក់ដងសន្ទូចចុះវិញស្រាប់តែប៉ះចំខ្សែភ្លើង បណ្តាលឲ្យឆក់ឈ្មោះ ស៊ុន ឈិន ដែលជាអ្នកបញ្ជាដងសន្ទូច។ ពេលនោះ ជនរងគ្រោះ២នាក់ទៀតឃើញនាំគ្នាស្ទុះទៅជួយ ក៏ឆក់ស្លាប់ទាំង៣នាក់នៅនឹងកន្លែងតែម្តង។ សពត្រូវបានសាច់ញាតិជួលរថយន្ត៣គ្រឿងដឹកទៅលំនៅឋាន ដើម្បីធ្វើបុណ្យតាមប្រពៃណី៕