សូមបងប្អូនក្នុងហ្វេសប៊ុកមេត្ដាជួយស៊ែរបន្ដផង...ដំណឹងបាត់ក្មេងស្រីវ័យ១៤ឆ្នាំដោយមិនដឹងមូលហេតុ ពេលនេះម្ដាយកំពុងព្រួយបារម្ភខ្លាំងណាស់

ខេត្តកំពង់ឆ្នាំង ៖ កាលថ្ងៃទី២៧ ខែកក្កដា ឆ្នាំ២០១៨ អ្នកស្រី ធីម សុភាព ដែលត្រូវជាម្ដាយក្មេងស្រីបាត់ខ្លួនមានការព្រួយបារម្ភយ៉ាងខ្លាំង ព្រោះរហូតមកទល់ពេលនេះហើយនៅមិនទាន់ទទួលដំណឹងកូននៅឡើយទេ។ អ្នកស្រី ធីម សុភាព បានរៀបរាប់ប្រាប់ថា កូនស្រីរបស់គាត់ទៅសាលារៀនដូចសព្វមួយដង លុះដល់ម៉ោង៧ព្រឹកលោកគ្រូបន្ទុកថ្នាក់បានប្រាប់ទៅកូនប្រុសរបស់អ្នកស្រីដែលត្រូវជាបងបង្កើតឱ្យ ធីម បុប្ផា ទៅសាលារៀនព្រោះថ្ងៃនេះជាថ្ងៃប្រឡង។

អ្នកស្រីធីម សុភាពបានប្រាប់បន្តថា អ្នកស្រីមានការព្រួយបារម្ភនិងអាណិតកូនយ៉ាងខ្លាំង ពីព្រោះកូនស្រីរបស់គាត់ម្នាក់នេះពុំដែលចាកចេញពីផ្ទះឆ្ងាយម្ដងឡើយ។ អ្នកស្រីបានធ្វើការសាកសួរដំណឹងរកកូនស្រីគ្រប់ច្រកល្ហកដែលធ្លាប់ទៅដោយគ្មានដំណឹង និងបានសាកសួរមិត្តភ័ក្ររបស់កូនស្ទើរគ្រប់គ្នាក៏គ្មានដំណឹង។ លុះមកដល់ម៉ោង៩នៅថ្ងៃដដែលអ្នកម៉ូតូឌុបបានប្រាប់ថា កូនស្រីរបស់គាត់ គេបានឌុបយកទៅកំពង់ឆ្នាំង ដោយពុំដឹងក្មេងស្រីនោះធ្វើដំណើរទៅណាទៀតនោះទេ។

អ្នកស្រី ធីម សុភាព សូមសំណូមពរដល់សមត្ថកិច្ចនិងជនរួមជាតិទាំងអស់ បើឃើញក្មេងស្រីដូចរូបថតខាងក្រោមនេះសូមមេត្តាជួយផ្ដល់ដំណឹងមកអ្នកស្រីតាមទូរសព្ទ័លេខ0979005718និងមានប្រាក់រង្វាន់ជូនជាទីគាប់ចិត្ត ៕

ហាមដាច់ខាតការយកអត្ថបទ ពីវេបសាយ khmernews.news ដោយគ្មានការអនុញាត។