តារាសម្តែងវ័យ៣១ឆ្នាំ កញ្ញា សម សុជាត្តារ៍ បានសម្តែងការហួសចិត្តយ៉ាងខ្លាំងនោះពេលដែល ឃើញព័ត៏មានបាន ចុះផ្សាយពីស្វាមីតិរច្ឆាន ប្រើទារុណកម្មយ៉ាងព្រៃផ្សៃ ក្រោយពីមិនប្រឹងរកលុយហើយ បែរជាឲ្យប្រពន្ធរបស់ខ្លួនទៅធ្វើជាស្រីរកស៊ីផ្លូវភេទ ដើម្បីយកលុយមកឲ្យខ្លួនចាយ យ៉ាងសង្ហារទៅវិញ។ អ្វីដែលធ្វើឲ្យកញ្ញា កាន់តែហួសចិត្តទៅទៀតនោះ លោកប្តីទុរយស បានទះកំផ្លៀងប្រពន្ធ១ដៃ និងបានយកច្រវាក់មកចងជើងប្រពន្ធម្ខាង ហើយទាញខារឡើងផុតជើងពីរនាបផ្ទះប្រមាណ១ម៉ែត្រ រួចយកអង្រែបុកគ្រឿងមកវាយក្បាលជង្គង់ប្រពន្ធទាំងសងខាងទៀត ។ នៅក្នុងហេតុការណ៍ដ៏រន្ធត់មួយនេះ បានកើតឡើងកាលពីថ្ងៃ កាលពីល្ងាចថ្ងៃទី២៣ ខែកក្កដា នៅក្នុងចម្ការកៅស៊ូវាល៧០ ភូមិឈូក ឃុំឈូក ស្រុកក្រូចឆ្មារ ខេត្តត្បូងឃ្មុំ ដោយបុរសជាប្តីចិត្តទុរយសម្នាក់ ឈ្មោះ ហ៊ាង ស៊ាងខេង អាយុ៥១ឆ្នាំ ជាកម្មករចៀរជ័រកៅស៊ូ។ កញ្ញាបានលើកឡើងនៅក្នុងបណ្តាញសង្គមហ្វេសប៊ុកថា "មិនដឹងថាជេរអានឹងម៉េចអោយសមទេ"។ យ៉ាងណាមិញក៏មានបណ្តាលមហាជនជាច្រើនបាន សម្តែងការមិនពេញចិត្តជាខ្លាំង និងមានអ្នកខ្លះជេរប្រមាថថែមទៀតផង៕
