សាហាវណាស់ បងប្អូន!!! ឲ្យប្រពន្ធទៅរកសុីផ្លូវភេទ យកលុយមកចិញ្ចឹមខ្លួន គ្រាន់តែប្រពន្ធដេកជាមួយភ្ញៀវ អត់ពាក់ស្រោម ចាប់ប្រពន្ធដាក់ច្រវ៉ាក់ធ្វើទារុណកម្មប្រដាប់ភេទ និងវៃជង្គង់សង់ខាង

ខេត្តត្បូងឃ្មុំៈ លោកវរសេនីយ៏ត្រី វ៉ា សម្បត្តិ អធិការរងនគរបាល ស្រុកក្រូចឆ្មារ ធ្វើការឃាត់ខ្លួន បុរសម្នាក់ ជាប្តីកំណាចឈ្មោះ ហ៊ាង ស៊ាងខេង អាយុ៥១ឆ្នាំ ជាកម្មករជៀរជ័រកៅស៊ូ។ ដោយបានប្រើអំពើហិង្សាលើប្រពន្ធយ៉ាងយង់ឃ្នង មានឈ្មោះ ស.ផ.ល អាយុ២៩ឆ្នាំ នៅវេលាល្ងាចថ្ងៃចន្ទ ទី២៣ ខែកក្កដា ឆ្នាំ២០១៨ ស្ថិតនៅក្នុងចំការកៅស៊ូវាល៧០ ក្នុងភូមិឈូក ឃុំឈូក ស្រុកក្រូចឆ្មារ។ លោក វ៉ា សម្បត្តិ បានបញ្ជាក់ថា ប្តីប្រពន្ធមួយគូរនេះ មិនទាន់រៀបការនិងគ្នាទេ ដោយសារបុរសជាប្តីមេម៉ាយកូន១ និងស្ត្រីរងគ្រោះក៏មេម៉ាយកូន១ដូចគ្នា ហើយបានយកគ្នា មិនបានរៀបការទេ បាន៣ឆ្នាំហើយ។

នៅមុនពេលកើតហេតុ បុរសជាប្ដីឃោរឃៅកំណាចនេះ បានឲ្យប្រពន្ធទៅរកសុីលក់ផ្លូវភេទ យកលុយមកដោះស្រាយជីវភាពក្នុងគ្រួសារ ហើយពេលមកផ្ទះវិញ ប្តីកំណាចសួរប្រពន្ធថា ឯងដេកជាមួយភ្ញៀវ មានឲ្យភ្ញៀវពាក់ស្រោម អនាម័យទេ? ក្នុងពេលនោះប្រពន្ធបានឆ្លើយត្រង់ថា មានភ្ញៀវខ្លះមករួមភេទប្រើប្រាស់ស្រោមអនាម័យ ខ្លះទៀតមិនប្រើស្រោមអនាម័យទេ ជាហេតុធ្វើឲ្យប្តីខឹងទះកំផ្លៀងប្រពន្ធ១ដៃ និងបានយកច្រវាក់មកចងជើងប្រពន្ធ ហើយទាញជើងផុតពីរនាបផ្ទះម្ខាង១ម៉ែត្រ និងជើងម្ខាងទៀតនៅលើរនាប រួចយកអង្រែបុកគ្រឿង ធ្វើទារុណកម្មវាយក្បាលជង្គង់ប្រពន្ធសងខាង និងបុកចំប្រដាប់ភេទបន្ថែមទៀត។ មិនតែប៉ុណ្ណោះ ថែមទាំងយកដែកកេះដុតរោមប្រដាប់ភេទ និងយកឡាមមកឈុតដៃ ប្រពន្ធទាំងសងខាងទៀតផង ។

គ្រាន់តែបានឮដំណឹងភ្លាម សមត្ថកិច្ចមូលដ្ឋាន ទៅធ្វើអន្តរាគមន៏ចាប់បុរសជាប្តី បញ្ជូនទៅឲ្យអយ្យការអមសាសាដំបូងខេត្ត ចាត់ការតាមច្បាប់។ រីឯស្ត្រីជាប្រពន្ធវិញ ត្រូវបានសមត្ថកិច្ច នាំទៅសង្គ្រោះនៅមន្ទីរពេទ្យបង្អែកស្រុកក្រូចឆ្មារ ទាំងអាការៈរបួសពេញខ្លួន ៕