ស្រុកព្រៃនប់ៈ កាលពីម៉ោង២ៈ៣០នាទីរសៀល ថ្ងៃទី២៤ ខែកក្ដដា ឆ្នាំ២០១៨ ស្ថិតនៅចំណុចផ្លូវជាតិលេខ៤ ត្រង់ផ្លូវបំបែកចូលទៅផ្លូវកែវផុស ស្ថិតក្នុងភូមិ/ឃុំតានៃ ស្រុកព្រៃនប់។ មានករណីគ្រោះថ្នាក់ចរាចរណ៍មួយ រវាងរថយន្ដដឹកទំនិញធុនធំ ផ្លាកលេខព្រះសីហនុ 3A -7577 បើកបរបញ្ច្រាសទិសគ្នា កំពុងបត់ឆ្វេងឆ្លងផ្លូវ ស្រាប់តែមានម៉ូតូមួយគ្រឿង បើកបរដោយបុរសម្នាក់ ដឹកព្រះសង្ឃមួយអង្គព្រះនាម មុយ ហ៊ាង ព្រះជន ៦០ព្រះវស្សា ជាគ្រូសូត្រស្តាំ គង់នៅវត្តតានៃ ឃុំតានៃ ស្រុកព្រៃនប់ ជ្រុលមកបុករថយន្ដ ខាងលើបណ្ដាលឲ្យព្រះសង្ឃរងរបួសធ្ងន់ ចំណែកបុរសអ្នកបើកបរម៉ូតូរងរបួសស្រាល។

ក្រោយហេតុការណ៍នេះ ព្រះសង្ឃរងគ្រោះបានបញ្ជូនទៅមន្ទីរពេទ្យភ្លាមៗដែរ ហើយជាមួយគ្នានេះ ក្នុងនាមអាជ្ញាធរមូលដ្ឋាន លោក អ៊ុក សាវឿនមេឃុំតានៃនិងក្រុមការងារ បាននាំយកថវិកាខ្លះទៅជួយដល់ការព្យាបាលផងដែរ ក្នុងនោះលោកមេឃុំជួយឧបត្ថម្ភ១០មុឺនរៀល និងក្រុមការងារជួយឧបត្ថម្ភចំនួន៣០ម៉ឺនរៀល ៕