ភ្នំពេញៈ មានករណីឆក់ទូរស័ព្ទដៃ ជនជាតិចិនមួយក្រុមមានគ្នា៥នាក់ ដោយជនរងគ្រោះម្នាក់ក្នុងចំណោមមិត្តភក្តិ៥នាក់ បានកាន់ទូរស័ព្ទដៃចុចលេងបណ្ដើរដើរបណ្ដើរ លុះមកដល់ចំណុចកើតហេតុ ស្រាប់តែលិចមុខជនសង្ស័យម្នាក់ជិះម៉ូតូមួយគ្រឿងមិនចាំម៉ាក មកធ្វើសកម្មភាពឆក់ទូរស័ព្ទ ពីដៃបុរសជនជាតិចិនម្នាក់បានសម្រេច ហើយជិះគេចខ្លួនបាត់ដោយសុវត្ថិភាព កាលពីវេលាម៉ោង២ៈ០០នាទីរសៀល ថ្ងៃទី២៣ ខែកក្កដា ឆ្នាំ២០១៨ នេះស្ថិតក្នុងសង្កាត់ទូលទំពូង១ ខណ្ឌចំការមន រាជធានីភ្នំពេញ ។

ក្រោយកើតហេតុ បានត្រឹមបង្កការភ្ញាក់ផ្អើលដល់ប្រជាពលរដ្ឋ និងរាយការណ៍ទៅសមត្ថកិច្ចឲ្យចុះមកកន្លែងកើតហេតុ ជួយអន្តរាគមន៍ និងនាំជនរងគ្រោះទៅដាក់ពាក្យបណ្ដឹង​ ដើម្បីកំណត់មុខសញ្ញាជនសង្ស័យផងដែរ ៕