ស្រុកព្រៃនប់ៈ វេលាម៉ោងជិត៥ល្ងាច ថ្ងៃ២២ ខែកក្កដា ឆ្នាំ២០១៨នេះ មានបុរសជិះម៉ូតូម្នាក់ បានរងរបួសយ៉ាងធ្ងន់ធ្ងរ ក្រោយរថយន្តធុនធំមួយគ្រឿង គៀរប៉ះពេលជនរងគ្រោះ ជិះម៉ូតូនៅតាមផ្លូវជាតិលេខ៤ ម្តុំដូងក្រអូប ភូមិស្មាច់ដែង ឃុំរាម ស្រុកព្រៃនប់ ខេត្តព្រះសីហនុ។

បើតាមការរៀបរាប់ពីប្រជាពលរដ្ឋ ដែលជួយអន្តរាគមន៍បានប្រាប់ថា ជនរងគ្រោះ ជិះម៉ូតូផ្លាកលេខកំពត 1A-7575 ត្រូវបានរថយន្តខាងលើនោះគៀរ បណ្ដាលឲ្យរងរបួសធ្ងន់ធ្ងរ តែរថយន្តនោះមិនបានឈប់នោះទេ បន្តបើករត់គេចខ្លួន ចំណែកជនរងគ្រោះនៅមិនទាន់ស្គាល់អត្តសញ្ញាណនៅឡើយ។