យោងតាមប្រភពព័ត៌មាន Spring News របស់ប្រទេសថៃបានឲ្យដឹងថា នៅវេលាម៉ោង០៩ព្រឹកថ្ងៃទី០៦ ខែកក្កដា ឆ្នាំ០២១៨ ទាហានជើងទឹក Thai NavySEAL អាយុ៣៨ឆ្នាំម្នាក់ ត្រូវបានរាយការណ៍ថា បានស្លាប់បាត់បង់ជីវិត ខណៈកំពុងបំពេញបេសកម្មបញ្ចូនបំពុងខ្យល់អុកស៊ីសែនពីតំបន់ទី៣ចូលទៅក្នុងរូងភ្នំ ដើម្បីជួយសង្គ្រោះក្មេងៗទាំង១២នាក់ និងគ្រូបង្វឹក ដែលជាប់នៅក្នុងរូបភ្នំ។

ជាពិសេសបើតាមប្រភពព័ត៌មានបានឲ្យដឹងថា ជនរងគ្រោះបានចាប់ផ្តើមជ្រមុជទឹកនៅវេលាម៉ោង០៨ និង៣៧នាទីយប់ ហើយពេលបេសកម្មបញ្ចប់ក៏ជ្រមុជទឹកត្រលប់មកវិញ ខ្វះខ្យល់​អុកស៊ីសែនក៏បណ្តាលសន្លប់បាត់ស្មារតីនៅក្នុងទឹកតែម្តងនេះជាមូលហេតុនាំអោយរូបគាត់បានបាត់បង់ជីវិត។ ពេលនោះក្រុមជ្រមុជទឹកបានធ្វើចលនាចង្វាក់បេះដូងឲ្យជនរងគ្រោះដែរ ប៉ុន្តែនៅតែមិនដឹងខ្លួន បន្ទាប់មកពួកគេក៏នាំជនរងគ្រោះមកតំបន់ទី៣វិញ ដើម្បីសង្គ្រោះបឋម លុះក្រោយមកនៅវេលាម៉ោង០១រំលងក៏បានស្លាប់បាត់បង់ជីវិតតែម្តង៕ ប្រភពៈ biz-kh.com