MV ថ្មី ក្នុងបទចម្រៀង «ឧបសគ្គស្នេហ៍» ចាក់ដោតខ្លាំង ធ្វើឲ្យអ្នកទស្សនាស្ទើរតែទប់ទឹកភ្នែកមិនបាន...(មានវីដេអូ)
-

ភ្នំពេញ៖ កាលពីពេលថ្មីៗនេះ ផេកផ្លូវការរបស់ផលិតកម្មថោន​ បានធ្វើការបង្ហោះវីដេអូ ក្នុងបទចម្រៀង «ឧបសគ្គស្នេហ៍» ដែលច្រៀងដោយលោក រិទ្ធិ ស៊ុនហាក់ ទទួលបានការចាប់អារម្មណ៍យ៉ាងខ្លាំងពីសំណាក់ ប្រិយមិត្ត និងអ្នកគាំទ្រជាច្រើន ព្រោះថាវីដេអូមួយនេះ​ ទាំងការសម្តែង និងបទចម្រៀង ចាក់ដោតអ្នកទស្សនាយ៉ាងខ្លាំង។

តួយ៉ាង នៅក្នុង MVថ្មីមួយនេះ ពិតជាមានការភាពទាក់ទាញយ៉ាងខ្លាំង ជាមួយនឹងសាច់រឿង ដែលបង្ហាញពីក្តីស្រលាញ់យ៉ាងជ្រៀលជ្រៅរបស់មនុស្សពីរនាក់។ តួសម្តែងប្រុសស្រស់សង្ហារ ជាមួយនឹងតារាស្រីស្រស់ស្អាត ខំដាក់ចិត្តដាក់កាយ នៅក្នុងការថតជាខ្លាំង​នៅក្នុងសាច់រឿងមួយនេះ។ មនុស្សស្រីម្នាក់ ខំលះបង់ដើម្បីគ្រួសារ មិនមែនព្រោះតែភាពហីហា ឡូយឆាយ តែត្រូវមានភារកិច្ច ជួយដោះបំណុលគ្រួសារ ស្រាប់តែថ្ងៃមួយជួបនឹងបុរសម្នាក់ដែលខ្លួនស្រលាញ់ ហើយចង់ទៅរស់នៅក្នុងជីវិតមួយធម្មតាដូចមនុស្សទូទៅ​ តើខុសដែលមែនទេ?។ ជាមនុស្សស្រីម្នាក់ គ្រាន់តែចង់ចាកចេញពីភាព វេទនា ដែលត្រូវរស់នៅក្រោមសំពាធបុរសម្នាក់ គឺវាលំបាកពេកហើយ ហេតុអី? ហេតុអី?​ ក៏ត្រូវស្នេហ៍មួយមានឧបសគ្គយ៉ាងនេះ។
នៅក្នុងផងដែរ ក៏មានអ្នកលេងបណ្តាញសង្គមហ្វេសប៊ុកជាច្រើន សរសើរពីទឹកដៃនៃការដឹកនាំសម្តែង ក៏ដូចជាតួសម្តែងទាំងមូល។ អ្នកគាំទ្រជាច្រើនបានលើកឡើងទៀតថា "ចង់ឲ្យមានសាច់រឿងត"។
មានវីដេអូ៖ ប្រភព៖ Rith Omega