តារាសម្តែង និងជាពិធីករដ៏ល្បីឈ្មោះម្នាក់ លោក ជា វណ្ណារិទ្ធ មានកេរ្តិ៍ឈ្មោះល្បីល្បាញ បានចាប់ដៃជាមួយនារីស្រស់ស្អាត មិនមែនជាអ្នកនៅក្នុងរង្វង់សិល្បៈ អ្នកនាង ប៊េឡា ដែលសព្វថ្ងៃនេះ គឺជាភរិយារបស់លោក ជា វណ្ណារិទ្ធហើយ ដោយនាក់ទាំងពីរនាក់ បានសម្រេចចិត្តចាប់ដៃគ្នាចូលរោងការកាលថ្ងៃទី ២៧ ខែមករា ឆ្នាំ២០១៣ កន្លងទៅ ។
ចំណងស្នេហារបស់លោក ជា វណ្ណារិទ្ធ បានធ្វើឲ្យអ្នកគាំទ្រ ពិតជាមានការរំភើបចិត្តជាខ្លាំង ក្រោយពេលឃើញពិធីករដ៏ល្បីឈ្មោះរូបនេះ បានធ្វើការងារគ្រប់យ៉ាងដើម្បីគ្រួសារតូចមួយនេះ ហើយជាញឹកជាប់ តែងតែឃើញលោកបង្ហោះរូបភាពជាលក្ខណៈគ្រួសារ យ៉ាងសប្បាយរីករាយ និងមានក្តីសុខ ។
លោក ជា វណ្ណារិទ្ធ ត្រូវបានគេចាត់ទុកថាជា ស្វាមីល្អ និង ឪពុកល្អម្នាក់ សម្រាប់កូនៗ របស់លោក ព្រោះរាល់សកម្មភាពរបស់លោក បានបង្ហាញឲ្យឃើញថា លោកគឺជាបុរសម្នាក់ ដែលយកគ្រួសារជាធំ បើទោះបីជាលោកធ្វើការជាមួយនារីស្រស់ស្អាតជាច្រើន ធ្វើការកន្លែងសប្បាយជាច្រើន តែរូបលោកគឺតែងតែ គិតដល់គ្រួសារមុនជានិច្ច ។
ដោយឡែក ក៏មានបុរសម្នាក់ បានបង្ហាញពីការកោតសរសើរ ចំពោះលោក ជា វណ្ណារិទ្ធ រហូតសរសើរចេញជា សារ បង្ហោះលើបណ្តាញសង្គមហ្វេសប៊ុករបស់ខ្លួន ប្រកបទៅដោយអត្ថន័យ និងមានន័យជ្រៅ ដែលម្ចាស់គណនីហ្វេសប៊ុកនោះ មានឈ្មោះថា Kaa ViKaa បានបង្ហោះសារទាំងមូលថា "ជាមនុស្សម្នាក់ដែលខ្ញុំសរសើរ ជាតារាពេលលើឆាកតែងខ្លួនខ្ញ ង់ ពេលចុះពីលើឆាកដើរបោចផ្កាទុកជូនប្រពន្ធនៅផ្ទះព្រោះប្រពន្ធស្រលាញ់ផ្កា ហើយក៏អត់ខ្វល់រឿងខ្មា ស់គេ បា ក់មុខ , មកដល់ផ្ទះមើលកូន ជួយការងារប្រពន្ធ ត្រូវលក់ៗ ត្រូវធ្វើការងារគ្រប់យ៉ាងដែលប្រពន្ធធ្វើ នៅផ្ទះជាមួយប្រពន្ធ ..។
មិនឆ្លៀតម៉ោងការងារហើយបង្ហួសទៅសប្បាយត , ការងារគាត់គឺការងារដែលជួបស្រីស្អាតច្រើន មានការផឹ ក សុី ហ្វ្រី ភ្លេង ហ្វ្រី បើមនុស្សចេះឆ្លៀតឱកាសប្រហែលមិនអោយរំលងទេ ព្រោះត្រូវនៅជាមួយភ្លេង ចំរៀង ស្រីស្អាតក្នុងរោងជាច្រើន ..
លោកបានបន្តទៀតថា "រូបគាត់មួយសន្លឹកនេះមិនសមជាពិធីករ ឬអ្នកសិល្បៈទេ។ ខ្ញុំសរសើរណាស់ព្រោះមនុស្សដែលហ៊ានបោះបង់ការសប្បាយចោលដើម្បីគ្រួសារ សំខាន់មានឱកាសក្នុងការដើរសប្បាយច្រើនរាប់មិនអស់ តែសុខចិត្តមកផ្ទះ ងូតទឹក ចូលគេង ដេ កអោ បប្រពន្ធ។ ម៉េចដែរ HATERS ?
លោកបានបន្ថែមទៀតថា "រីឯខ្ញុំអ្នកផុសក៏មិនចង់បានល្បីអីដែរ ពួកគាត់មិនមែនញាតិខ្ញុំទេ , ចំណែកឯមនុស្សប្រុសដែលធ្វើមិនបានល្អដូចគេ ឈ ប់ ដៀ លគេទៅ , កុំថាគេ ជោ រ កុំថាគេធ្វើល្អព្រោះចង់ល្បី , កុំចេះតែគិតថាគេអា ក្រ ក់ ព្រោះមិនមែនគ្រប់គ្នាសុទ្ធតែអា ក្រ ក់ដូចយើងទេ។ Bella Foreverith Chea Vannarith។ ខ្ញុំសរសើរ នឹងលើកទឹកចិត្តប្ដីគ្រប់រូបអោយធ្វើល្អ នឹងស្រលាញ់គ្រួសារអោយបានច្រើន , ព្រោះជាប្ដីល្អសំរាប់ប្រពន្ធ ជាឳពុកល្អសំរាប់កូន ជាកូនល្អសំរាប់ម្ដាយឳពុកយើង វាមិ ន អ ន់ មិនខុស មិ ន ថោ កទេ តែវាធ្វើអោយយើងមានតម្លៃកាន់តែខ្ពស់"។
ភ្លាមនោះស្រាប់តែលោក ជា វណ្ណារិទ្ធ បានតបទៅវិញ ដោយក្តីរំភើប និងសប្បាយចិត្ត ដែលបានឃើញសាររបស់ ម្ចាស់គណនីហ្វេសប៊ុក Kaa ViKaa បានបង្ហោះសារបែបនេះ។ លោក ជា វណ្ណារិទ្ធ បានបង្ហោះសារថា "អរគុណដោយក្តីគោរពស្រលាញ់អានហេីយរំភេីបខ្លួនឯងម៉េចទេ"៕
