ភ្នំពេញ៖ ប្រិយមិត្តខ្លះប្រាកដជាបានស្គាល់ តារាសម្តែងស្រី អ្នកនាង សិទ្ធី នីកា​ កំពុងតែរស់នៅយ៉ាងមានក្តីសុខ និងមានសុភមង្គល ព្រះអង្គម្ចាស់ នរោត្តម ចារូច័ក្រ និងព្រះអង្គម្ចាស់តូច នរោត្ដម ពង្សចក្រី ដែលមានព្រះជន្ម២ឆ្នាំហើយ។ ទោះបីជាមានកូនស្វាមី សិទ្ធី នីកា នៅតែបន្តអាជីពនៅក្នុងសិល្បៈទាំងការសម្តែង និងការថតស្ប៉តពាណិជ្ជកម្មនានា ដោយមិនមានការហាមឃាត់ពីសំណាក់ស្វាមីឡើយ ។មិនខុសបំណងឡើយ ទោះជាមានឈ្មោះជាអ្នកម្តាយ តែ តារាសម្តែង សិទ្ធី នីកា នៅតែស្រស់ស្អាត ជាពិសេសរូបរាងតូចស្លីម ក្បាលពោះរាបស្មើមិនចាញ់តារាវ័យក្មេងនោះទេ ជាហេតុធ្វើឱ្យតារារូបនេះនៅតែមានហាងឆេងនៅក្នុងការងារសិល្បៈជាពិសេសនៅតែក្តោបតំណែងជាតួស្រីទៀតផង ។​

ក្រោយមានស្វាមី និងកូន សិទ្ធី នីកា កាន់តែហ៊ានក្នុងការលេងខ្លួនសិចស៊ីជាងមុនដោយពេលខ្លះនាងបង្អួតសម្រស់បង្ហាញក្បាលពោះយ៉ាងទាក់ទាញធ្វើឱ្យមហាជនមិនតិចទេលួចសរស់ើរសម្រស់របស់អ្នកម្នាងរូបនេះ ។ ស្របពេលការងារសិល្បៈមិនសូវមមាញឹក សិទ្ធី នីកា បានបណ្តើរស្វាមី និងកូនៗទៅលេងកម្សាន្តនៅតាមបណ្តារខេត្តដែលមើលទៅពិតជារីករាយនឹងមានសុភមង្គលជាខ្លាំង ។ 

ក្នុងនោះក៏មានការសរស់ើរថា ទោះ បី មិនមែនជាអ្នកម្តាយបង្កើត តែ សិទ្ធី នីកា បានបង្ហាញក្តីស្រឡាញ់ដល់កូនប្រុសរបស់ស្វាមីដូចជាសាច់បង្កើតដែលកាន់តែធ្វើឱ្យគ្រួសាររបស់នាងកក់ក្តៅថែមទៀត ។ ចំណងស្នេហ៍របស់ សិទ្ធី នីកា និងស្វាមីជាខ្សែរាជវង្ស (ព្រះអង្គម្ចាស់ នរោត្តម ចារូច័ក្រ) នោះមិនបានចូល រោងជ័យទៅតាមប្រពៃណីឡើយ ហើយពេលនេះពួកគេក៏ទទួលបានចំណងដៃកូនប្រុសដ៏គួរឱ្យស្រឡាញ់ដែលមានឈ្មោះថា នរោត្តមចក្រីពង្ស៕