ភ្នំពេញ ៖ អាគារសិប្បកម្មកាត់ដេរមួយកន្លែងត្រូវបានអគ្គីភ័យលេបត្របាក់ក្រណាត់អស់ជាច្រើនដុំ បង្កឲ្យមានការ ភ្ញាក់ផ្អើលដល់ប្រជាពលរដ្ឋ ក៏ដូចសមត្ថកិច្ចចុះមកអន្តគមន៍ នៅវេលាម៉ោង១១យប់ ថ្ងៃទី២៧ ខែកក្កដា ឆ្នាំ២០១៨ ត្រង់ចំណុច ខាងក្រោយផ្សារ ត្រពាំងថ្លឹង នៅក្នុងភូមិ ត្រពាំងថ្លឹង៤ សង្កាត់ចោមចៅទី១ ខណ្ឌពោធិ៍សែនជ័យ រាជធានីភ្នំពេញ។

អ្នកគ្រប់គ្រងសិប្បកម្មកាត់ដេរខោរអាវមានឈ្មោះ ទី ចរិយាភេទស្រី អាយុ ៣៨ឆ្នាំ ជនជាតិខ្មែរ មុខរបរ ប្រធាន ។ អាគារសិប្បកម្ម លេខ ៩២ និង៩៤ ផ្លូវ២៨ ទំហំ៨ម៉ែត្រ គុណនិង៣០ម៉ែត្រ ធ្វើអ៉ពីថ្មមួយជាន់។ តាមសម្ដីបងស្រីប្រធានសិប្បកម្មនៅកន្លែងកើតហេតុបានឲ្យដឹងថា មុនដំបូងគេឃើញផ្សែងហុយចេញពីអាគាជាន់លើ ហើយក៏ មានអណ្តាតភ្លើងឆាបឆេះឡើងក៏នាំគ្នាយកទឹកចះ ដោយសាភ្លើងឆេះខ្លាំងពេក ក៏បានហៅសមត្ថកិច្ចឲ្យជួយទាក់ទងទៅឡានទឹកឲ្យមកបាញ់ទឹកពន្លត់។សំណាងល្អឡានទឹកមកបាញ់ទប់ស្កាត់ទាន់ត្រឹមតែឆេះអស់ អាគាជាន់លើមិនបណ្តាលឲ្យឆ្លងដល់ផ្ទះដ៏ទៃទៀត។ ប្រភពដដែលបានបន្តទៀតថា រូបគាត់បានឲ្យពីនាក់បងប្អូនស្រី១ និង ប្រុស១ដេកចាំក្នុងអាគានេះ ដោយមិនបានបិតប៉ារ៉ែតភ្លើង ហើយនៅម៉ោងកើតហេតុខាងលើក៏ស្រាប់តែឆ្លងចរន្ធអគ្គីសនី ឃើញភ្លើងឆេះខាងលើជាន់ទី១ ពីនាក់ បងប្អូន ក៏ចេញមកខាងក្រៅហៅគេហៅឯងឲ្យជួយ បង្កការភ្ញាក់ផ្អើលដល់សមត្ថកិច្ចមកជួយអន្តរគមន៏ក៏ទាក់ទងទៅឡានទឹកចុះមកបាញ់ទឹកពន្លត់ទាន់ពេលវេលា។ ការខូចខាតនូវទ្រព្យសម្បត្តិ ឆេះអស់ក្រណាត់ប្រហែល ២០ដុំទៅ៣០ដុំ ការប្រើប្រាស់ឡានទឹកចំនួន១០ គ្រឿង បាញ់អស់៨ គ្រឿង រលត់ទៅវិញនៅវេលាម៉ោង១១និង៥៤នាទីយប់នៅថ្ងៃដដែល ប្រើរយៈពេលពន្លត់( ៥៤នាទីគត់)៕ ដោយៈ ភារ៉ា