ភ្នំពេញ៖ គ្រឿងអលង្កាមួយចំនួនធំត្រូវបានចោរគាស់ទូរដែកយកគ្មានសល់​ខណៈម្ចាស់ផ្ទះមិនចាក់​សោរចោល​ចេញទៅក្រៅ។ហេតុការណ៍នេះបង្កភ្ញាក់ផ្អើលកាលវេលាម៉ោង២១និង០០នាទី ថ្ងៃទី២៧ ខែមិថុនា ឆ្នាំ២០១៨ ស្ថិតនៅផ្ទះលេខ(V 104)ផ្លូវកាំខូស៊ីធី ភូមិគង្គាផុស សង្កាត់ទួលសង្កែ ខណ្ឌឫស្សីកែវ។

​ សមត្ថកិច្ចអោយដឹងថាជនរងគ្រោះឈ្មោះ​ ខូវ​ ចាន់សុីថា​ ភេទស្រី​ អាយុ​ ២៧ឆ្នាំ​ មុខរបរ​ មេផ្ទះ​ ។សមត្ថកិច្ចបន្តទៀតថាមុនពេលកើតហេតុនៅវេលាម៉ោង១៨:០០នាទី ជនរងគ្រោះ និង ក្រុមគ្រួសារបានចេញទៅហូបអីនៅក្រៅទាំងអស់គ្នាដោយមិនមាននរណានៅចាំផ្ទះឡើយ​ លុះវេលាម៉ោងកើតហេតុខាងលើក៏ត្រលប់​មកផ្ទះវិញទើបដឹងថាទូដែកត្រូវបានចោរគាស់ទូលួចទ្រព្យសម្បត្តិ​ ទើបឆោរឡោរហើយបាន​ទូរសព្ទ៌ហៅនគរបាលប៉ុស្តិ៍ទួលសង្កែអោយមកធ្វើការត្រួតពិនិត្យកន្លែងកើតហេតុ​ ។ សំភារះបាត់បង់រួមមាន​៖ ចិញ្ជៀនពេជ្រ៤វង់​ ខ្សែករពេជ្រ២ខ្សែ​ កងដៃពេជ្រ១វង់​ (សរុបជាទឹកប្រាក់​ប្រាំពីមុឺន​ដុល្លារអាមេរិច)។ ក្រោយកើតហេតុជនរងគ្រោះបានមកដាក់ពាក្យប្ដឹងនៅប៉ុស្ដិ៍រដ្ឋបាលទួលសង្កែដើម្បីអោយសមត្ថកិច្ចជួយ​ស្រាវជ្រាវឈានទៅដល់កំណត់មុខសញ្ញានិងចាប់ជនសង្ស័យទាំងនោះមកផ្ដន្ទាទោសតាមផ្លូវច្បាប់៕ ដោយៈ ភារ៉ា