ភ្នំពេញៈ​ យុវជនម្នាក់បានរងរបួសធ្ងន់ធ្ងរដឹកបញ្ជូនទៅសង្គ្រោះនៅមន្ទីរពេទ្យភ្លាមៗ​ ខណៈជិះម៉ូតូបុកក្បាលរថយន្តឡិចសីុសនៅតាមបណ្តោយផ្លូវ​ ៦០​ ម៉ែត្រ​ ស្ថិតក្នុងសង្កាត់ជើងឯក​ ខណ្ឌដង្កោ​ រាជធានីភ្នំពេញ​ នាវេលាម៉ោង​ ៤នឹង១០នាទីល្ងាចថ្ងៃទី​ ២៧​ ខែ​មិថុនា​ ឆ្នាំ​ ២០១៨​ ។

​ តាមសម្តីប្រជាពលរដ្ឋបានអោយដឹងថាមុនពេលកើតហេតុរថយន្តឡិចសីុសRX​300​ ធ្វើដំណើរតាមបណ្តោយផ្លូវ៦០ម៉ែត្រ​ ទិសដៅពីក្បាលថ្នល់ឆ្ពោះទៅព្រែកហូរ​ ប៉ុន្តែខណៈមកដល់ចំណុចកើតហេតុក៏បានទាញចង្កូតរថយន្តបត់ឆ្វេងត្រឡប់ក្រោយ​ដោយខ្វះការប្រុងប្រយ័ត្នក៏បណ្តាលអោយយុវជនម្នាក់កំពុងជិះម៉ូតូមួយគ្រឿងម៉ាក​ BENLY ពណ៌ស ពាក់ស្លាកលេខ តាកែវ 1Q-4579 បានធ្វើដំណើរស្របទិសគ្នាជាមួយរថយន្ត​ ក៏ជ្រុលបុកចំក្បាលរថយន្តឡិចសីុសយ៉ាងពេញទំហឹងតែម្តង​ ធ្វើអោយយុវជនជាម្ចាស់ម៉ូតូខ្ទេតចេញពីម៉ូតូបោកក្បាលរងរបួសធ្ងន់ធ្ងរ​ ចំណែកម៉ូតូនឹងរថយន្តត្រូវរងការខូចខាត។ ​ ក្រោយកើតហេតុសមត្ថកិច្ចជំនាញចរាចរខណ្ឌដង្កោបានចុះមកដល់ចំណុចកើតហេតុនឹង​បានវាស់វែងរួចអូសយកម៉ូតូនឹងរថយន្តទៅរក្សាទុកនៅអធិការដ្ឋាននគរបាលខណ្ឌដង្កោរងចាំដោះស្រាយនាពេលក្រោយ៕