ភ្នំពេញ ៖ ជនសង្ស័យ​ទាំង២នាក់​ ត្រូវបានសមត្ថកិច្ចធ្វើការខ្លួន លូក​យក​ទូរ​សព្ទ័​ដៃ​ពីហោប៉ាវខោ​​នារី​ម្នាក់កំពុងជិះម៉ូតូ កាលពី​វេលា​ម៉ោង១និង១០នាទី​ថ្ងៃ​ពុធ​ទី២៧ខែឧសភា ឆ្នាំ២០១៨នៅ​ចំណុច​មុខផ្ទះ​លេខ៣៩ ផ្លូវ២៦១ ក្រុម៣៥ ភូមិ១២ សង្កាត់​ទឹកល្អក់២ ខណ្ឌទួលគោក។

ជនសង្ស័យ​ទាំង២នាក់​ដែល​ឃាត់ខ្លួន​បាន​ទី១.ឈ្មោះ ដុស ឧ​ត្ត​ម ហៅ​ដម ភេទ​ប្រុស អាយុ១៩ឆ្នាំ​មុខរបរ​មិន​ពិតប្រាកដ ស្នាក់​នៅផ្ទះ​ពុំ​ចាំ​លេខ ផ្លូវលំ ភូមិ​CPC សង្កាត់​ទឹកថ្លា ខណ្ឌ​សែន​សុខ ជា​អ្នក​ឆក់​ទូ​រស​ព្ឌ័​ដៃ​ពី​នារី​រងគ្រោះ ។ ទី២.ឈ្មោះ ហង្ស ចាន់ វាសនា អាយុ១៨ឆ្មាំ​មុខរបរ​មិន​ពិតប្រាកដ ស្នាក់នៅ​ផ្ទះជួល​មិន​ចាំ​លេខ​ផ្លូវ២០០៤សង្កាត់​អូ​បែកក្អម ខណ្ឌ​សែន​សុខ ជា​អ្នកបើក​ម៉ូតូ។ ចំណែក​នារី​រងគ្រោះ​មានឈ្មោះ ថេ លីន​ អាយុ២២ឆ្នាំ មុខរបរ​លក់ដូរ​ស្នា​ក់ ​ផ្ទះ​លេខ៥៥ដេ ​ផ្លូវ២៣០ សង្កាត់​ទឹកល្អក់៣ ខណ្ឌទួលគោក។ បើតាមសម្តីរបស់នារីរងគ្រោះបានប្រាប់ថា​ នៅមុនពេលកើតហេតុ នារីគ្រោះបានជិះម៉ូតូមកដល់ពាក់កណ្តាលផ្លូវ ស្រាប់តែមានជនសង្ស័យ២នាក់ ជិះ​ម៉ូតូ​ម៉ាក​ឌ្រីមសង់ ​សេ១២៥ សេរី០១៨ ព​ណ័​ខ្មៅ ​ពាក់​ស្លាក​លេខ ភ្នំពេញ 1GW-0416 មក​ក្រោយ​ហើយក៏​ឆក់យក​ទូរ​សព្ទ័​ដែល​ដាក់​នៅក្នុង​ហោ​ប៉ាវ​ខោ​បានសំរេច។ ក្រោយពី​ឆក់​បាន​ហើយ​ជនសង្ស័យ​ទាំង២នាក់​បាន​ជិះ​គេចខ្លួន​ភ្លាមនោះ​ជនរងគ្រោះ​បាន​ជិះ​ម៉ូតូ​ដេញតាម​ពីក្រោយ​និង​ស្រែកថាចោរៗហើយ​ជនសង្ស័យ​ដែល​អង្គុយ​ខាងក្រោយ​បាន​យក​មួកសុវត្ថិភាព​គប់​ទៅលើ​ជនរងគ្រោះ​ទៀត​តែ​ដោយសារតែ​ផ្លូវ​មាន​រថយន្ត​នៅខាងមុខ​ជន​ស​ង្ស័​យ​បាន​បន្ថយល្បឿន​ធ្វើអោយ​ជន​រងគ្រោះ​តាម​មកពី​ក្រោយ​ទាន់​ក៏​បុក​ដួល​ទាំង​ជនរងគ្រោះ​និង​ជនសង្ស័យ​ហើយ​ភ្លាមនោះ​ប្រជាពលរដ្ឋ​នាំគ្នា​ដេញចាប់​ប្រគល់អោយ​បូលិស​ទឹកល្អក់២យកមក​ប៉ុស្តិ៍​ដើម្បី​ធ្វើការ​សួរនាំ ៕ ដោយ៖ ភារះ