ស្រុកព្រៃនប់ៈ បុករះទៀតហើយនៅផ្លូវជាតិលេខ៤ ត្រង់ផ្លូវចំណោតឃុំបិតត្រាំង សមត្ថកិច្ចក្នុងមូលដ្ឋានបានអោយដឹងថា នៅលើផ្លូវ​ជាតិ​លេខ​៤​ ចន្លោះ​គីឡូម៉ែត្រ​ ២១១-២១២​ ស្ថិតនៅ​ក្នុង​ភូមិ​ពូធឿង​ ឃុំ​បិតត្រាង​ ស្រុក​ព្រៃនប់​ ខេត្ត​ព្រះសីហនុ។

មានគ្រោះថ្នាក់ ចរាចរណ៍មួយកើតឡើង​ បង្កដោយ​ រថយន្ត​បែន​ដឹក​ដី​ ០១គ្រឿង​ម៉ាក​ NISSAN ពណ៌ ត្រេអ៉ី ពាក់ផ្លាកលេខ ខេមរភូមិន្ទ 3-0109 បើកបរ​ដោយ​ឈ្មោះ​ ទិត្យ​ ភារម្យ​ ភេទ​ ប្រុស​ អាយុ​ ២១ឆ្នាំ​ មុខរបរ​ អ្នកបើកបរ​រថយន្ត​ មានទីលំនៅ​ភូមិ​ស្ទឹងច្រាល​ ឃុំ​អូរបាក់រទេះ​ ស្រុក​កំពង់សិលា​ ខេត្ត​ព្រះសីហនុ​ មានទិសដៅ​ពី ​ខេត្ត​ព្រះសីហនុ​ ឆ្ពោះទៅ​ ភ្នំពេញ​ លុះដល់ចំណុចខាងលើ​ស្ថានភាព​ផ្លូវ​ចុះ​ចំណោត រថយន្ត​បែន​ដឹក​ដី​ បាន​កៀរ​រថយន្ត​ ០១គ្រឿង​ម៉ាក​ TOYOTA បាឡែន ពាក់ផ្លាកលេខ​ភ្នំពេញ ​2S-6927 មានទិសដៅ​ស្របគ្នា​ រួច​ជ្រុល​ចង្កូត​ចូល​ទៅ​បុក​ពីខាង​ក្រោយ ​រថយន្ត​ ០១គ្រឿង​ទៀត​ម៉ាក​ LEXUS RX300​ ពាក់ផ្លាកលេខ​ព្រះសីហនុ​ 2B-7747 ដែល​មានទិសដៅ​ស្របគ្នា​ ។ ជាមួយគ្នានេះក៏មានរថយន្តសម្រាប់ដឹកទំនិញមួយគ្រឿងទៀត ក៏បានរអិលធ្លាកផ្លូវផងដែរ ក្រោយគេចក្នុងហេតុការណ៏នេះ។ ក្រៅពីខូចខាត រថយន្ត មិនមានមនុស្សរងគ្រោះថ្នាក់ធ្ងន់ធ្ងរទេ និងថាក្រោយកើតហេតុ អ្នកបើកបររថយន្ត បែនដឹកដីត្រូវបានសមត្ថកិច្ចឃាត់ខ្លួនជា បណ្តោះអាសន្ន៕ ប្រភពៈ Huy Bunleng