ភ្នំពេញ៖ បុរសម្នាក់ជាប្តីដែលបានប្រើអំពើហឹង្សាដាក់ប្រពន្ធ ត្រូវបានសម្ថតកិច្ច ធ្វើការឃាត់ខ្លួនកាលពីរវេលាម៉ោង ១២និង១០ រំលងអធ្រាត្រឈានចូលថ្ងៃទី១២ ខែមិថុនា ឆ្នាំ២០១៨ ត្រង់ចំណុចផ្លូវ១៧២ ជាប់របងវត្តសារាវ័ន្ត ស្ថិតនៅក្នុងសង្កាត់ជ័យជំនះ ខណ្ឌដូនពេញ រាជធានីភ្នំពេញ ។

ប្តីដែលបានប្រើអំពើហឹង្សានេះមានឈ្មោះ ប៉ាន់ ធន់ ភេទប្រុស អាយុ៥៣ឆ្នាំ ជនជាតិខ្មែរ មុខរបរធ្វើចំការស្វាយ រស់នៅក្នុងភូមិ ព្រែកលាប សង្កាត់ ព្រែកលាប ខណ្ឌជ្រោយចង្វា។ ប្រពន្ធមានឈ្មោះមាស សុធា ភេទស្រី អាយុ៣៥ឆ្នាំ ជនជាតិខ្មែរ មុខរបរធ្វើការនៅហាងបារាំង ជិតវត្តសារាវ័ន្ត ក្នុងសង្កាត់ ជ័យជំនះ ស្នាក់នៅកន្លែងធ្វើការ មានស្រុកកំណើត នៅភូមិព្រៃសាច់ ឃុំ កោះស្តេច ស្រុកការីសាគរ ខេត្តកោះកុង។ តាមសម្តីស្រ្តីរងគ្រោះបាននិយាយឲ្យដឹងថា គាត់បានមករកការងារនៅទីក្រុងភ្នំពេញ ក៏បានជួបបុរសម្នាក់ បានស្រលាញ់គ្នាយកគ្នាធ្វើប្តីប្រពន្ធរួមរស់អស់រយៈពេល៧ឆ្នាំមកហើយ តែមិនមានកូនទេ ។ រហូតទើបដឹងថា ប្តីរបស់គាត់មានប្រពន្ធដើម នឹងបានបែកលឺដល់ប្រពន្ធដើមទោះបីគេធ្វើបាប់យ៉ាងណាក៏ទ្រាំ។ ហើយប្តីកំហូចនោះបានចាប់រំលោកប្អូនថ្លៃទៀត។ ទើបថ្ងៃកើតហេតុខាងលើនេះ រូបគាត់ត្រូវបានប្តីបង្ខំឲ្យទៅដេកជាមួយគាត់ តែរូបគាត់មិនព្រមទៅធ្វើឲ្យប្តីខឹងក៏ទះកំផ្លៀង បណ្តាលឲ្យជាំមុខខៀវភ្នែក ស្រែកទ្រហូរយំ បង្កឲ្យមានការភ្ញាក់ផ្អើលដល់សមត្ថកិច្ចចុះមកសួរនាំ ។ ក្រោយមកសមត្ថកិច្ច ក៏នាំប្តីប្រពន្ធទាំងពីរនាក់មកប៉ុស្តិ៍នគរបាលរដ្ឋបាលជ័យជំនះ ដើម្បីសម្របសម្រួលខាងប្រពន្ធមិនប្តឹង តែសូមចប់គ្នាត្រឹមនឹង សមត្ថកិច្ចក៏ឲ្យ២នាក់ ប្តីប្រពន្ធចែកផ្លូវគ្នាចាប់ពីពេលនេះតទៅ ពីព្រោះអ្នកទាំង២ មិនបានរៀបការនិងចុះសំបុត្រអាពាហ៍ពិពាហ៍នោះទេ ៕