ក្រោយពីមានសារព័ត៏មានក្នុងស្រុកមួយបានចុះផ្សាយពីសកម្មភាព របស់​ លោកផែង វណ្ណៈ អំពីរឿងជួយរកយុត្តិធម៏ និង ជួយជនទីទាល់ក្ររួចមក ស្រាប់តែនៅលើហ្វេសប៊ុករបស់លោក ផែង វណ្ណៈ សូមអង្វរដល់បងប្អូនទាំងអស់ មេត្តាកំលើកតំកើងរូបលោក ព្រោះអាចមានគ្រោះថា្នក់សម្រាប់រូបលោកទៅវិញ។

នេះបើយោងតាមគណនីហ្វេសប៊ុករបស់លោក បានលើកឡើងថា "ខ្ញុំសូមអង្វរបងប្អូនមេត្តាឈប់​ លើកតំកើងខ្ញុំបែបនេះទៅ​ព្រោះ វាគ្រោះថ្នាក់ណាស់សំរាប់ខ្ញុំ​ ។​ ខ្ញុំលះបង់គ្រប់បែបយ៉ាងសព្វថ្ងៃមិនប្រាថ្នាអ្វីក្រៅពីរួមចំណែកជួយកែលម្អរចំណុចខ្វះខាត​ក្នុងសង្គម និងរួមចំណែកជួយពលរដ្ឋស្លូតត្រង់ដែលរងការបំពានតែប៉ុណ្ណោះ​ ។​ តួនាទី​ បុណ្យស័ក្តិ​ លុយកាក់គ្មាននៅក្នុងចិត្តខ្ញុំទេ​ ខ្ញុំមានលទ្ធភាពអាចរស់បានហើយ​ ។​ ដូច្នេះសូមបងប្អូនដែលស្រលាញ់រាប់អានខ្ញុំ​ មេត្តាឈប់យករូបខ្ញុំ​ សកម្មភាពខ្ញុំ​ទៅប្រៀបធៀបជាមួយលោកម្ចាស់ប៉ាវ​ ខ្ញុំមិនមានលក្ខណៈសម្បត្តិគ្រប់គ្រាន់ទេ​ ខ្ញុំមិនល្អដូចម្ចាស់ប៉ាវទេ​" ។ ជាការពិតណាស់ នាពេលថ្មីនេះ សកម្មភាពរបស់លោក ផែង វណ្ណៈ និងចិត្តមនុស្សធម៏របស់លោក​ បានធ្វើឲ្យប្រជាជនខ្មែរជាច្រើនមានការគាំទ្រ និងស្រលាញ់លោកជាខ្លាំង មិនថាលោកទៅដល់ទៅណា កន្លែងណា តែងតែមានបងប្អូនទទួលស្វាគមន៍ជានិច្ច នេះមកពីការធ្វើអំពើល្អរបស់លោក។ លោក​បានខ្នះខ្នែងជួយរកយុត្តិធម៏ជូនកូនប្រជាពលរដ្ឋមិនថា រឿងនោះទាក់ទិនផលប្រយោជន៍ ឬក៏ឬទាក់ទិន នឹងបញ្ហាដីធ្លី នោះទេ គឺលោកតែងតែជួយដល់ជនស្លូតត្រង់ ទោះបីជាលោកត្រូវលះបង់ទ្រព្យសម្បត្តិផ្ទាល់ខ្លួនយ៉ាងណាក៏ដោយ។ នាពេថ្មីៗនេះ ស្រាប់តែមានគណនីហ្វេសប៊ុកមួយបានលើកឡើងពីរូបលោក ផែង វណ្ណៈ ទៅនឹងលោកម្ចាស់ប៉ាវ នៅប្រទេសចិន ដែលតែងតែជួយរកយុត្តិធម៏ជួនប្រជាជន មិនថាជួបគ្រោះថ្នាក់ប៉ុណ្ណា ក៏រូបលោកមិនរារែងនៅក្នុងការស្វែងរកយុត្តិធម៏ដែរ។ ដែលម្ចាស់គណនីរូបនោះមានឈ្មោះថា សុវណ្ណ បី បានលើកឡើងថា "នៅប្រទេសចិន រជ្ជកាលសុង មានប៉ាវចិន រកយុត្តិធម៍ ជូនប្រជារាស្ត្រ ធ្វេីអោយរាជការថ្កុំថ្កេីនដែលមានមន្ត្រីល្អ នៅប្រទេសកម្ពុជាបច្ចុប្បន្នវិញ មានលោក ផែងវណ្ណះ រកយុត្តិធម៍ ជូនពលរដ្ធ ធ្វេីអោយរាជរដ្ធាភិបាលរុងរឿង មានមន្ត្រីល្អ រាស្ត្រមិនរងទឹកភ្នែក"។ ប្រភព៖​ Vannak Pheng និង សុវណ្ណ បី