រតនគិរី៖ កាលពី​ថ្ងៃទី៩ ខែឧសភា ឆ្នាំ២០១៨ លោក​នេនមួយអង្គ ត្រូវបានអនុគុណ​ធ្វើការ​ផ្សឹកភ្លាមៗ ហើយប្រគល់ខ្លួនឲ្យទៅសមត្ថកិច្ច ដើម្បីចាត់ការតាមនីតិវិធីច្បាប់ ដែលហេតុការណ៍នេះបានកើតឡើងនៅក្នុងភូមិ​វើ​ន​សៃ ឃុំ​វើ​ន​សៃ ស្រុក​វើ​ន​សៃ។

ជនសង្ស័យរូបនោះមានឈ្មោះ ឡុង សុខន អាយុ៣២ឆ្នាំ ជនជាតិខ្មែរ ស្រុកកំណើត​ភូមិ​តា​លន់ ឃុំ​ស្លា​ម៉ា​ត ស្រុក​ស្អាង ខេត្តកណ្តាល។ បើតាមចម្លើយសារភាពរបស់ជនសង្ស័យបានប្រាប់ថា ខ្លួនពិតជាបានលួចព្រះ​ពុទ្ធរូប១អង្គ​ធ្វើ​អំពី​ស្ពាន់​ទម្ងន់​ប្រហែល៣៦គីឡូក្រាម នៅ​កុ​ដ្ឋិ​លោក​ចៅអធិការ​វត្ត រួចយកទៅលាក់នៅរោងទូក.ង ខាងមុខ​វត្ត​ក្បែរ​មាត់ទន្លេ​ពិតប្រាកដ​មែន។ បច្ចុប្បន្នជនសង្ស័យត្រូវបានសមត្ថកិច្ចធ្វើការឃាត់ខ្លួន និង នាំយកទៅអធិការដ្ឋាន​ រង់ចាំធ្វើការផ្តន្ទាទោសតាមច្បាប់៕ ដោយ៖ និស្ស័យ