ហេតុការណ៍គ្រោះថ្នាក់ចរាចរណ៍ដ៏គួរអោយរន្ធត់ និងសង្វេគពន់ពេករវាងរថយន្ដ ឡិចស៊ីសបើកបុកជាមួយរថយន្ដដឹកប្រេងបណ្ដាលអោយឆេះស្លាប់មនុស្សចំនួន០៥នាក់កាលពីម្សិលមិញនៅភូមិអូរជ្រៅ ឃុំបឹងព្រាវ ស្រុកស្រែអំបិល ខេត្តកោះកុង ធ្វើអោយមានការតក់ស្លុតយ៉ាងខ្លាំង។

អ្វីដែលកាន់តែគួរអោយអាណិតនោះជនរងគ្រោះ ​ហេង សូរិយា ជា​អ្នក​ស្លាប់​ម្នាក់​ចំណោម ៥នាក់​នៅ​ស្រែ​អំបិល មាន​ប្រពន្ធ​កូន​កំពុង​ពេញ​ស្រលាញ់​ ធ្វើ​ឲ្យ​ពួក​គេ​ស្លុត​ចិត្ត​មិន​នឹក​ស្មាន​មាន​រឿង​បែប​នេះ​កើត​ឡើង។ គួរបញ្ជាក់ផងដែរថា កាលពីវេលាម៉ោង ៨ និង៣០ នាទីព្រឹក ថ្ងៃទី២៨ ខែមេសា​ ឆ្នាំ​២០១៨ មានគ្រោះថ្នាក់ចរាចរណ៍ដ៏គួរឲ្យរន្ធត់មួយបានកើតឡើងនៅលើផ្លូវ​ជាតិ​លេខ៤ ត្រង់ចំណុច ចន្លោះ គឺឡូម៉ែត្រលេខ 141-142 ស្ថិត​ក្នុង​ភូមិអូរជ្រៅ​ ឃុំបឹងព្រាវ ស្រុក​ស្រែ​អំបិល​ ខេត្តកោះកុងរវាងរថយន្តឡិចស៊ិសLX ៤៧០ បុកជាមួួយ រថយន្ត ដឹកប្រេង របស់ ក្រុមហ៊ុន {​ PTT } បណ្ដាលអោយមានមនុស្ស៥នាក់ឆេះស្លាប់ និង២នាក់ទៀតរងរបួសធ្ងន់ ៕