ប្រទេសថៃ៖​ កាលពីយប់​ថ្ងៃ​ទី​២៦​ ខែមេសា​ ឆ្នាំ​២០១៨ នៅ​ចំណុច​ចំការ​ស្វាយ​ (​បាង​ផា​កាត​ចាស់​)​ ចន្លោះ​បង្គោល​សីមា​លេខ​ ៦៧-៦៨​ ទាហាន​ថៃ​ កងអនុសេនាធំ​លេខ​៥៤៥​ ​ បាន​ឃាត់ ខ្លួន​ប្រជាពលរដ្ឋ​ខ្មែរ​ចំនួន ​៥​នាក់​ រួម​ជាមួយ​ម៉ាស៊ីន​អារឈើ ​១​គ្រឿង ​បម្រុងឆ្លងដែនលួចកាប់ឈើខុសច្បាប់ ។​

បើយោងសមត្ថកិច្ចបានប្រាប់ថា ​ពលរដ្ឋ​ខ្មែរទាំង​ ៥​នាក់​ រួម​មាន​ ទី១-​ឈ្មោះ​ សួន​ ភា​រិ​ទ្ធ​ ភេទ​ប្រុស​ អាយុ​២៤​ឆ្នាំ​ មុខរបរ​ កសិករ​ រស់​ នៅ​ស្រុក​សាលា​ក្រៅ​ ខេត្ដ​ប៉ៃលិន, ទី២-​ឈ្មោះ​ សាយ​ ចាន់​ ភេទ​ប្រុស​ អាយុ​៣០​ឆ្នាំ​ មុខរបរ​ កសិករ​ រស់នៅ​ភូមិបរ​ហ៊ុយ​ត្បូង​ សង្កាត់​ប​រយ៉ា​ខា​ ក្រុងប៉ៃលិន​ ខេត្ដ​ប៉ៃលិន​,​ ទី៣-​ឈ្មោះ​ ញា​ញ​ ភេទ​ប្រុស​អាយុ​២០​ឆ្នាំ​ មុខរបរ​ កសិករ,​ ទី៤-​ឈ្មោះ​ ឃឿ​ន​ ភេទ​ប្រុស​ អាយុ​ ២៦​ឆ្នាំ​ មុខរបរ​ កសិករ​ ​៥-​ឈ្មោះ​ ផែង​ ភេទ​ប្រុស​ អាយុ​២៥​ឆ្នាំ​ មុខរបរ​កសិករ​ អ្នក​ទាំង​បួន​រស់នៅ​ភូមិ​ឃុំ​ជាមួយ​គ្នា​ ។​ ​បច្ចុប្បន្ន​ ពលរដ្ឋខ្មែរទាំង ៥​នាក់​ ត្រូវ​បាន​បញ្ជូន​ទៅ​ នគរបាល​ស្រុក​ពោង​ណាំ​រ៉​ន​ ខេត្ដ​ចាន់​បូ​រី​ ប្រទេស​ថៃ​ ។ នេះបើយោងតាមការចេញផ្សាយ របស់អគ្គស្នងការនគរបាលជាតិ ៕ ដោយ៖ អាឆើត