ភ្នំពេញ៖ កាលពីល្ងាចថ្ងៃទី២៦ ខែមេសា ឆ្នាំ២០១៨ រថយន្ត​កូរ៉េ១គ្រឿង ជាន់​ហ្វ្រាំង​មិន​ស៊ី​ក៏​រអិល​ពីលើស្ពានមកដល់​ចំណុច​គល់ស្ពាន​អាកាស​ស្ទឹងមានជ័យ សង្កាត់​ស្ទឹងមានជ័យ​ទី១ ខណ្ឌមានជ័យ ​បុក​រះ​ម៉ូតូ២គ្រឿង បណ្តាល​ឲ្យ​ដួល​អូស​ជាច្រើន​ម៉ែត្រ និង​របួស​មនុស្ស៣នាក់​។

អ្នក​ទាំង៣នាក់ មិនទាន់​ត្រូវបាន​គេ​ស្គាល់​អត្តសញ្ញាណ​នោះទេ ដោយសារ​ពួកគេ​ត្រូវបាន​បញ្ជូន​ទៅកាន់​មន្ទី​ពេទ្យ។ ក្នុងចំណោម​អ្នក​គ្រោះថ្នាក់ គឺមាន​នារី​របួសធ្ងន់​ជាងគេ ពោល​ដាច់​រលាត់ស្បែក​ប្រអប់ជើង​ឆ្វេង​ដល់​ឆ្អឹង ចំណែក​ប្រុស​ស្រី២នាក់​ទៀត​របួស​មធ្យម ៕ ដោយ៖ ហេងលី