ភ្នំពេញ៖ បុរសចំណាស់ម្នាក់សង្ស័យស្រវឹងស្រា បើករថយន្តIsuzu ទៅប៉ះគូទរថយន្តម៉ាសុីដេស រងការខូចខាតបន្តិចបន្តួចប៉ុណ្ណោះ ហើយចុះពីលើរថយន្តនិយាយសំដីឆ្គាំឆ្គងទៅលើនារីជិះរថយន្តសុីដេស រហូតធ្វើឲ្យនាងខឹងស្ទើរទ្រាំមិនបាននៅវេលាម៉ោង៨និង៣០នាទីយប់ ថ្ងៃទី២៥ ខែមេសា ឆ្នាំ២០១៨ ស្ថិតតាមបណ្តោយផ្លូវសហព័ន្ធរុស្សី សង្កាត់មិត្តភាព ខណ្ឌ៧មករា ។

នារីជិះរថយន្តសុីដេស បានរៀបរាប់ថា «គាត់ជិះឡានបុកគូទឡានខ្ញុំហើយមិនព្រមដោះស្រាយគ្នាតាមសម្រួលនោះទេ បែរជាចុះមកពីលើឡាននិយាយថា មានមើលស្លាកលេខឡានអញ់អត់ ដឹងថាអញ់ចិនអត់»។ យ៉ាងណាមិញ តាមរយៈពាក្យសម្តីនេះហើយបានធ្វើឲ្យនារីនោះខឹង ពេលឃើញដូចនេះបុរសជាជនបង្កចង់សង ៥០ដុល្លារដើម្បីបញ្ចប់រឿង ប៉ុន្តែនាងមិនចង់បានលុយទេ គឺចង់ឲ្យបុរសនោះសុំទោសទៅវិញ លុះក្រោយមកមានសមត្ថកិច្ចចុះមកសម្របសម្រួលជាការបញ្ចប់រឿង។ ប្រភព៖ TVFB សូមទស្សនាវីដេអូ!!