ការ ប្រកួតកីឡា វ៉ូវីណាម ក្នុង ព្រឹត្តិការណ៍ កីឡា ស៊ីហ្គេម លើកទី ៣២ បាន បញ្ចប់ កាល ពី ថ្ងៃ ទី៩ ខែ ឧសភា បន្ទាប់ពី ធ្វើ ការ ប្រកួត តាំង ពី ថ្ងៃ ទី ៦ ខែ ឧសភា។ ជា លទ្ធផល ក្រុមអត្តពលិក វ៉ូវីណាម កម្ពុជា ទទួល បាន មេដាយ ច្រើន ជាង គេ គឺ មាស ១០ ប្រាក់៨ និង សំរឹទ្ធ ៩ សរុប ២៧ គ្រឿង ក្នុង ចំណោម វិញ្ញាសាទាំង អស់៣០។
យ៉ាងណាមិញអ្វីដែរគួរឲ្យចាប់អារម្មណ៍ខ្លាំងនោះគឺ កីឡាការិនី ប៉ាល់ ឆរស្មុី ដណ្ដើមបានមេដាយ៦គ្រឿងម្នាក់ឯង ក្នុងនោះមានមេដាយមាស ៤គ្រឿង ,ប្រាក់ ១គ្រឿង ,សំរឹទ្ធ ១គ្រឿងក្នុងព្រឹត្តិការណ៍ស៊ីហ្គេម ២០២៣ លើវិញ្ញាសាកីឡាវ៉ូវីណាម។
ចំណែកកីឡាការិនី ពៅ សុខា ក៏មិនធម្មតាដែរ បានឈ្នះមេដាយចំនួន ៥ គ្រឿង ក្នុងនោះមាន មេដាយមាស ៣ គ្រឿង ប្រាក់ ១ គ្រឿង និងសំរឹទ្ធ១គ្រឿង លើវិញ្ញាសាកីឡាវ៉ូវីណាម ដូចគ្នា ។
សូមរំលឹកផងដែរថា កីឡា វ៉វីណាម ត្រូវ បានដាក់ បញ្ចូល ក្នុង កីឡា ស៊ីហ្គេម លើក ដំបូង កាល ពី ឆ្នាំ ២០១១។ ពេល នោះ កម្ពុជា ក៏ បាន បញ្ជូន អត្តពលិក ចូល រួម ប្រកួត ដោយ ឈ្នះ បាន មេដាយ មាស២ គ្រឿង ប្រាក់៧ គ្រឿង និង សំរឹទ្ធ ៨ និងលើកទី ២ ឆ្នាំ០១៣ ដែល ពេល នោះកម្ពុជាឈ្នះ មេដាយ មាស ២ គ្រឿង ប៉ុណ្ណោះ។ ស៊ីហ្គេម ២០២១ នៅ ប្រទេស វៀតណាម កម្ពុជា ឈ្នះ មេដាយ មាស ៣ ប្រាក់ ២ និងសំរឹទ្ធ ៩។
តាមរយៈការឈ្នះមេដាយមាសជាច្រើន ពីសំណាក់កីឡាការិនី ទាំងពីររូបខាងលើនេះបានធ្វើឲ្យប្រជាជនកម្ពុជាជាច្រើន មានក្តីរំភើប សោមនាស្សរីករាយជាពន់ពេក។
