គំនិតច្នៃប្រឌិត ជាគំនិតផ្តួចផ្តើមក្នុងការបង្កើតនូវអ្វីមួយឲ្យលេចចេញជារូបរាងឡើងដោយប្រើប្រាស់នូវសមត្ថភាពជំនាញ បញ្ញាស្មារតី ដើម្បីច្នៃប្រឌិតកែប្រែអ្វីៗឲ្យទៅជាមានប្រយោជន៍ មានតម្លៃនិងមានសារៈសំខាន់ពិតប្រាកដ។
យ៉ាងណាមិញបើយើងក្រឡេកមកមើលបងស្រីម្នាក់កំពុងតែទទួលបានការចាប់អារម្មណ៍យ៉ាងខ្លាំងពីសំណាក់ពុកម៉ែបងប្អូនដែលនិយមប្រើប្រាស់បណ្តាញសង្គម បន្ទាប់ពីបងស្រីបាន យកបាវ មកច្នៃធ្វើជាសម្លៀកបំពាក់ មួយឈុតយ៉ាងស្រស់ស្អាត ដើម្បីស្លៀកទៅចូលរួមនៅក្នុងកម្មវិធីមង្គលការ មួយកន្លែង មើលទៅពិតជាប្លែកភ្នែកខ្លាំងមែនទែន ។
ជាមួយគ្នានេះដែរ បងស្រីម្នាក់នេះត្រូវបានមហាជនជាច្រើនកំពុងតែសម្តែងការកោតសរសើរព្រោងព្រៀតផងដែរ តាមរយៈឈុតដែលច្នៃចេញពី ការ៉ុង បេ បែបនេះ បើយើងមើលជាក់ស្តែង ឈុតដែលគាត់ច្នៃនេះគឺមានភាពទាក់ទាញខ្លាំងមែនទែន ហើយក៏មានតែមួយដែរ នៅក្នុងស្រុកខ្មែរយើង មិនទាន់មាននរណាហ៊ានស្លៀកឈុតបែបនេះ ចូលរួមនៅក្នុងកម្មវិធីមង្គលការ ដូចជាបងស្រីម្នាក់នេះឡើយ ។
ដូច្នេះសម្រាប់បងប្អូនស្រីៗដែល មានបញ្ហាអត់មានរ៉ូបស្លៀក ឬមួយធុញទ្រាន់ និងការស្លៀករ៉ូបដដែលៗ ទៅចូលរួមនៅក្នុង កម្មវិធីនោះ អាចធ្វើតាមបងស្រីម្នាក់នេះបាន មិនសាំភ្នែក មិនអស់លុយ គ្រាន់តែចំណាយពេល ច្នៃម៉ូត តែបន្តិច គឺធានាថាប្លែកខុសពីគេ មិនត្រឹមតែប៉ុណ្ណោះ ថែមទាំងអាចទាក់ទាញចំណាប់អារម្មណ៍ពីមនុស្ស ជុំវិញខ្លួនយ៉ាងងាយស្រួលទៀតផង៕
ដើម្បីជ្រាបច្បាស់សូមទស្សនាវីដេអូខាងក្រោមនេះ៖
