បង្ហាញមុខ កូនស្រីរបស់អ្នកឧកញ៉ាគិត ម៉េង វ័យទើប ១៦ ឆ្នាំប៉ុន្តែមាន រូបសម្ផស្ស ស្រស់ស្អាតខ្លាំង មិនចាញ់លោកជំទាវ ស្រីតូច ចំណាន ដែលជាម្តាយនោះទេ

ចំណងស្នេហ៍ដ៏ស្អិតរមួតរបស់អតីតតារាសម្ដែងលោកជំទាវ ស្រីតូច ចំណាន និងអ្នកជំនួញល្បីឈ្មោះអ្នកឧកញ៉ាគិត ម៉េង ក្នុងរយៈពេលជិត ២០ ឆ្នាំនេះ បានបន្សល់ទុកចំណងដៃបុត្រាបុត្រីចំនួន ៤ នាក់។

ពិតណាស់ទំនាក់ទំនងរបស់សេដ្ឋីវ័យក្មេងអ្នកឧកញ៉ា គិត ម៉េង និងអតីតតារាសម្តែងច្រៀងអ្នកនាង ស្រីតូច ចំណាន ក្រោយរួមរស់ជាមួយគ្នាជាប្តីប្រពន្ធដោយអាថ៌កំបាំង ក៏ឈានសម្រេចចិត្តដឹកដៃគ្នាចូលរោងការជាផ្លូវការនៅដើមឆ្នាំ២០១៥ ដោយមានការផ្ចុងផ្តើមពីប្រមុខរដ្ឋាភិបាល។

ដោយឡែក បើយើងក្រឡេកមកមើលនៅកាលពីពេលថ្មីៗនេះវិញ ឃើញថាមានមហាជនបានដាក់ការចាប់អារម្មណ៍យ៉ាងខ្លាំងទៅលើ កូនស្រីទី ២ របស់អ្នកឧកញ៉ា គិត ម៉េង នោះគឺ យុវតី គិត ស៊ូរៀរង្សី ដែលមានរូបសម្ផស្ស ស្រស់ស្អាត និង មានសមត្ថភាព ហើយពោពេញទៅដោយភាពថ្លៃថ្នូរ មិនខុសពីឪពុកម្តាយរបស់ខ្លួននោះទេ ។

ជាមួយគ្នានេះដែរ នៅកាលពីថ្ងៃទី ១៥ ខែធ្នូ ឆ្នាំ២០២២ កន្លងទៅថ្មីៗនេះ ត្រូវជាថ្ងៃខួបកំណើតរបស់ យុវតី គិត ស៊ូរៀរង្សី ក្នុងនោះដែរ គេបានឃើញ ឧកញ៉ាគិត ម៉េង បង្ហោះសារសារជូនពរកូនស្រី យ៉ាងមានន័យដូច្នេះថា ៖

វាហាក់ដូចជាកាលពីម្សិលមិញដែលយើងបានប្រារព្ធខួបកំណើតរបស់កូន ស៊ូរៀ។ មួយឆ្នាំបានកន្លងផុតទៅយ៉ាងលឿន ហើយថ្ងៃនេះជាថ្ងៃពិសេសរបស់កូនម្តងទៀត។ ថ្ងៃសុក្រ ទី១៥ ខែធ្នូ ឆ្នាំ២០០៦ គឺជាថ្ងៃដ៏វិសេសវិសាលបំផុតមួយនៃជីវិតរបស់ខ្ញុំ។

កូនស្រីដំបូងរបស់ យើង ឈ្មោះ គិត ស៊ូរៀ រង្សី បានចាប់កំណើតក្នុងគ្រួសាររបស់យើង។ យើងចងចាំយ៉ាងច្បាស់ នៅពេលមើលជំហានដំបូងរបស់កូន ហើយឥឡូវនេះ កូនត្រៀមខ្លួនរួចរាល់ហើយដើម្បីទទួលបទពិសោធថ្មីៗជាច្រើនទៀតជាមួយនឹងឆ្នាំថ្មីរបស់កូន។ ស៊ូរៀ កូនដ៏ស្រស់ស្អាតរបស់ប៉ា មានអាយុ១៦ឆ្នាំនៅថ្ងៃនេះហើយ។ ស៊ូរៀ មានភព្វសំណាង ដោយសារមានថ្ងៃកំណើតដូចសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ដែលប្រារព្ធឡើងក្នុងថ្ងៃនេះដែរ។

នៅក្នុងឆ្នាំមុន ខ្ញុំជឿថា ស៊ូរៀ មានភាពចាស់ទុំយ៉ាងឆាប់រហ័ស។ កូនស្រីច្បងរបស់យើងបានចូលរួមកិច្ចប្រជុំអាជីវកម្ម និងព្រឹត្តិការណ៍សាជីវកម្មជាមួយខ្ញុំ និងភរិយារបស់ខ្ញុំ រួមជាមួយនឹងកូនប្រុសច្បងរបស់យើង ស៊ូឡា។ នេះជាការចាប់ផ្តើមនូវអ្វីដែលថ្មីៗ អ្វីមួយដែលអស្ចារ្យជាមួយនឹងដំណើរជីវិតដ៏ជោគជ័យ ដែលនឹងផ្តល់បទពិសោធឱ្យកូននៅថ្ងៃមុខ។ ប៉ាមានមោទនភាពចំពោះកូនជាខ្លាំង ស៊ូរៀ។

ក្នុងនាមជាឪពុក ខ្ញុំមិនប្រាថ្នាអ្វីក្រៅពីអ្វីដែលល្អបំផុតសម្រាប់កូនស្រីរបស់ខ្ញុំ ដើម្បីឱ្យគាត់ទទួលបានពេញមួយជីវិតរបស់គាត់នូវជីវិតស្រស់បំព្រង ថាមពល ភាពវិជ្ជមាន ទំនុកចិត្ត ភាពសប្បុរស និងភាពកក់ក្តៅគ្រប់ទីកន្លែងដែលគាត់ទៅដល់។

វាពិតជាពេលវេលាដ៏មានតម្លៃបំផុតសម្រាប់ពួកយើង ក្នុងនាមជាឪពុកម្តាយ និងបងប្អូនរបស់កូន ព្រោះថ្ងៃនេះជាថ្ងៃកំណើតរបស់កូន ហើយពួកយើងមានមោទនភាពចំពោះកូនយ៉ាងខ្លាំង។ យើងស្រឡាញ់កូនជានិច្ច។ រីករាយថ្ងៃខួបកំណើតគម្រប់១៦ឆ្នាំរបស់ ស៊ូរៀ៕