ពិតណាស់ សុខ សុម៉ាវត្តី គឺជាតារាសម្តែងខ្មែរមួយរូបដែលឈានជើងចូលប្រឡូកនៅក្នុងវិថីសិល្បៈអស់រយៈពេលជាច្រើនឆ្នាំមកហើយ នៅក្នុងពេលបច្ចុប្បន្នឃើញថា តារាស្រីរូបនេះនៅតែមានទីផ្សារ និងអាចក្តោបការងារសិល្បៈជាច្រើននៅក្នុងដៃរបស់នាងផងដែរ ពីមួយថ្ងៃទៅមួយថ្ងៃឃើញថានាងរវល់សឹងតែមិនមានពេលសម្រាកឡើយ ។
ដោយឡែកបើក្រឡេកមកមើលជីវិតឯកជនរបស់តារាស្រីរូបនេះវិញ សព្វថ្ងៃឃើញ សុខ សុម៉ាវត្តី ទទួលជោគជ័យខ្លាំងនៅក្នុងអាជីពរបស់នាងមែនពិត ប៉ុន្តែជីវិតស្នេហាវិញគឺថាមិនសមប្រកបឡើយ នាងបានចែកផ្លូវគ្នាពីស្វាមីអស់រយៈពេលជាច្រើនឆ្នាំមកហើយ ដោយបន្សល់ទុកកូនស្រីម្នាក់ដែលជាចំណងដៃអាពាហ៍ពិពាហ៍របស់អ្នកទាំងពីរផងដែរ ។
យ៉ាងណាមិញទោះបីមានឈ្មោះជាស្ត្រីមេម៉ាយកូនមួយមែនពិត ប៉ុន្តែបើក្រឡេកមកមើលរូបសម្ផស្ស របស់តារាសម្តែង សុខ សុម៉ាវត្តី វិញនៅតែស្រស់ស្អាតដូចផ្កា មិនចាញ់កាលពីនៅក្រមុំឡើយ ខណៈកូនស្រីរបស់កាន់តែធំរីឯរូបនាងកាន់តែក្មេងនិងស្រស់ស្អាតជាវ័យហើយកំពុងតែប្រើជីវិតរស់នៅម្នាក់ឯងយ៉ាងមានសេចក្តីសុខថែមទៀតផង ៕
