នាពេលកន្លងមកធ្លាប់មានបងប្អូនមហាជន ធ្លាប់លឺនិងមានការព្រួយបារម្ភជាខ្លាំង ចំពោះការធ្វើដំណើរតាមដងផ្លូវ ពិសេសគឺកន្លែងស្ងាត់ ព្រោះថាករណីធ្វើស៊ីមនុស្សខុស តែងតែកើតមានឡើងលើប្រជាពលរដ្ឋ ដែលគាត់មិនដឹងថា នរណាជាមន្រ្តីប៉ូលីសពិតប្រាកដ ហើយនរណាជាបន្លំខ្លួន ដើម្បីធ្វើការកៀបធ្វើស៊ីនោះទេ។
ជាក់ស្តែងកាលពីយប់ថ្ងៃទី០៦ ខែមករា ឆ្នាំ២០២០ មានការភ្ញាក់ផ្អើលមួយបានកើតឡើងម្តងទៀតហើយ ដោយបុរសម្នាក់ស្លៀកពាក់ស៊ីវិល ហើយបានអះអាងខ្លួន គឺជាមន្រ្តីប៉ូលីសពន្លត់អគ្គីភ័យ នៅស្រុកអង្គស្នួល ធ្វើសកម្មភាពបម្រុងនឹងចាប់បុរសម្នាក់ទៀតកំពុងតែធ្វើដំណើរនៅតំបន់បឹងកក់ ដោយចោទប្រកាន់ថា បុរសរូបនោះមានគ្រឿ ងញៀ ននិងគំរាមវាយខ្នោះ ថែមទាំងចង់បា ញ់ថែមទៀតផង ដែលធ្វើឲ្យប្រជាពលរដ្ឋគាត់រត់មកមើល និងមានអ្នកសារព័ត៏មាន ចុះមកដល់ទីតាំងផ្ទាល់តែម្តង។ អ្វីដែលបងប្អូនចាប់អារម្មណ៍ជាគេនោះ គឺបុរសរូបនោះ ពាក់អាវយឺត ប៉ូលីស។
ដោយឡែកនៅក្នុងគណនីហ្វេសប៊ុករបស់ស្នងការដ្ឋាននគរបាលរាជធានីភ្នំពេញ បានចេញមកបំភ្លឺថា "សេចក្តីបកស្រាយបំភ្លឺរបស់ប៉ុស្តិ៍នគរបាលរដ្ឋបាលស្រះចក អធិការដ្ឋាននគរបាលខណ្ឌដូនពេញ លេីករណីដែលសារព័ត៌មានមួយចំនួន ដែលបាន ផ្សាយផ្ទាល់ទាក់ទងទៅនឹងករណីមួយនៅសង្កាត់ស្រះចក (អតីតបឹងកក់) កាលពីយប់ថ្ងៃទី ០៦ មករា ឆ្នាំ២០២០ ។
នៅថ្ងៃទី០៦ ខែមករា ឆ្នាំ ២០២០ វេលាម៉ោង២២ ម៉ោង០០នាទី ក្រោយពីទទួលបានពត៌មានថាមានករណី បុរសម្នាក់បន្លំធ្វើជាសមត្ថកិច្ចចាប់ឃាត់មនុស្ស នៅចំណុច ផ្លូវអ៊ែរ៦ ភូមិ៣ សង្កាត់ស្រះចក ខណ្ឌដូនពេញ រាជធានីភ្នំពេញ កម្លាំងប៉ុស្តិ៍ក៏បានចុះទៅដល់កន្លែងកើតហេតុ និងបាននាំខ្លួនបុរសទាំងពីរនាក់មកទីស្នាក់ប៉ុស្តិ៍ដើម្បីធ្វើការសាកសួរ។ ក្រោយពីធ្វើការសាកសួរបានអោយដឹងថា បុរសម្នាក់ឈ្មោះ ម៉េត នី អាយុ២០ឆ្នាំ មុខរបរជាងធ្វើពិដាន បានមកលេងមិត្តភ័ក្រ្តនៅម្តុំក្តាន់ពីរ ផ្លូវរថភ្លើង ភូមិ៣. សង្កាត់ស្រះចក ខណ្ឌដូនពេញ រាជធានីភ្នំពេញ ពេលដើរត្រលប់ចេញមកវិញក្នុងគោលបំណងទៅកន្លែងស្នាក់នៅវិញការដ្ឋានសំណង់(ក្នុងកាំកូស៊ីធី) មកដល់ចំណុចផ្លូវអ៊ែរ៦(ក្នងបឹងកក់) ស្រាប់តែមានបុរសម្នាក់ឈ្មោះ លីសាយ អាយុ៣៨ឆ្នាំ មុខរបររត់ម៉ូតូឌុប ជិះម៉ូតូមួយគ្រឿងម៉ាកវីវា ពណ៌ខ្មៅ គ្មានស្លាកលេខ មកដល់ហើយសួរទៅឈ្មោះ ម៉េត នី ថាជិះម៉តូឌុបអត់ តែឈ្មោះ ម៉េត នី និយាយប្រាប់ថាអត់ជិះទេហើយក៏បានដើរចេញទៅ ប៉ុន្តែឈ្មោះ លី សាយ នៅតែជិះម៉ូតូតាមសួរ តែឈ្មោះ ម៉េត នី បដិសេធមិនព្រមជិះ ស្របពេលនោះក៏មានសន្តិសុខក្រុមហ៊ុនបឹងកក់ពីរនាក់ ជិះម៉ូតូមួយគ្រឿងមកដល់ឃាត់សួរនាំក៏ផ្អើលដល់អ្នកសារពត៌មាន និងសមត្ថកិច្ចមូលដ្ឋានតែម្តង។
ហៅមកធ្វើការបំភ្លឺដឹងថាជាការយល់ច្រឡំហើយប៉ុស្ដិ៍បានរាយការណ៏ជូនលោកអធិការរងជំនាញដើម្បីសុំគោលការណ៏លោកអធិការអោយធ្វើសាវតានិងកិច្ចសន្យាហើយអនុញ្ញាតឲ្យទៅផ្ទះវិញ។
បើយោងតាមមតិរបស់ប្រជាពលរដ្ឋ បានចូលមកខមិនថា សួរទៅកាន់ ស្នងការដ្ឋាននគរបាលរាជធានីភ្នំពេញ វិញថា "គាត់ជាអ្នករត់ម៉ូតូឌុប តេីអ្នកណាមិនយល់ឃេីញថាគាត់ជានគរបាល បេីគាត់ពាក់សុទ្ធតែ..... ? សូមមានវិធានការច្បាស់លាស់មួយ ទៅលេីទីតាំង កាត់ នឹង លក់សំលៀកបំពាក់ មួយចំនួន ដែលទទួលកាត់ នឹង លក់ ឯកសណ្ឋានសមត្ថកិច្ច អរគុណ ?"។ ចុម ឆ្កុយចឹងទៅ។ ចុះអាវ សមត្ថកិច្ច ស៊ីវិលអាចពាក់បានមែនទេ? ។ ម៉ូតូឌុបមានអាវប៉ូលីសពាក់មិនធម្មតាទេ ចុះយើងជាប្រជាពលរដ្ឋធម្មតាមានសិទ្ធពាក់អត់ បងប៉ូលីស?
មានវិដេអូ៖
